Page 42 - merged_Neat

42 Djarason 3 Febrüari 2016

Kontinuashon di pagina 4
AINDA GOBIERNU NO A...

Esaki ta loke a sosedé, i
ta sosodiendo i mester pone
atenshon na e problema aki.

Entre tantu tin yen parke
di kas ku vila nan bunita i
otro barionan a keda atras.
E tempu ei gobièrnu a bisa
ku lo gana sèn i lo yuda
esnan ménos pudiente. Al
kontrario e situashon a
bira pió. Gobièrnu ta hasi
kos pa tapa fayo di hopi
aña sea direktamente òf
indirektamente.Mas aleu
Narain a sigui bisa ku segun
sifranan di CBS (Centraal
Bureau voor de Statistiek) ta
hopi bario ta den situashon
malu. Tin 270 bario por lo
ménos 104 den estado malu.
E rapòrt aki tabata di 6 aña
pasa i awor aki e sifra ta
papia di 123 bario. Tambe
tin 8000 kas para bashí i
e ta kresiendo. Pa awor aki
segun Narain e lo a alkansá
9000 ku ta para bashí na
Kòrsou. Ounke den e kasnan
bashí aki tin ta partikular,
gobièrnu por hasi algu.
Gobièrnu por hasi algu pa
solushoná e situashon di
kas para bashí. Esta bin na
akuerdo pa hür e kas tòg
ku hende ménos pudiente
i gobièrnu ta yuda. E doño
di kas por ta kontentu ya ku
tin un entrada.