Page 8 - MIN VOS

30 AWEMainta Diaranson, 25 October 2017

Bunita ceremonia di apertura di ASU Olimpiada 2017

E di 61 ASU Olimpiada a inicia diadomingo ultimo
den Centro Deportivo Betico Croes na Sta Cruz.
Miembronan di e directiva di ASU, hunto cu e in-
vitadonan den presencia di e demas federacion y
atletanan tabata presente n’e ceremonia di apertura.

Presidente di ASU, sr. Gerald Franca a hiba palabra
n’e bunita ocasion aki unda el a recorda e 61 aña cu
Aruba Sport Unie ta contribui n’e formacion di nos
mucha y hobennan pa nan bira un bon cuidadano,
tur esaki atrabes di deporte.

Nos por mira un gran cantidad di federacion de-
portivo cu nan bandera y/of banner a participa na e
ceremonia di apertura.

E desfile tabata colorido unda varios atleta a duna
un presentacion chikito n’e publico presente. E tres
medayistanan di Weganan Sur Americano Hubenil
Santiago 2017, esta e landador Keeley Maduro cu
a gana Brons, e judoka Sophia Petrocchi cu e gana
Plata y su ruman e taekwondista Chiara Petrocchi
cu e gana Oro a haya e honor pa sende e pebetero y
asina inaugura oficialmente e ASU Olimpiada 2017.

Un danki sigur na Lotto, e Loteria di Aruba pa me-
dio di Comision di Subsidio ta yuda subisdia e ASU
Olimpiada 2017. Lotto kier a desea tur e atleta, diri-
gente, coach como tambe e federacionnan deportivo
tur clase di exito durante di e ASU Olimpiada 2017.