Page 24 - KPA

Diaranzon atardi a drenta informe di un accidente cu hendenan herida na Rooi Santoa a dirigi
tanto polis como ambulans na e sitio. Na yegada di e patruya a bin compronde cu aki ta trata di
un accidente unda cu e jovencita chofer di un Chevrolet Avalanche bayendo direccion nort a
bay brake pa un auto su dilanti cu diripiente a para pa un otro auto consecutivamente su dilanti
pero e jovencita no por a para y a kita bay na man robez, pero net na e momentonan ey tabata
bini un Toyota Tercel cu a bay dal den su banda. E impacto tabata fuerte y tanto e chofer di e
Tercel como tambe su ocupante na banda a resulta herida. Na yegada di e ambulans mesora a
atende e victimanan y a transporta ambos pa hospital. Polis cu a nota cu ningun 2 chofer por a
mustra cu nan papelnan ta na ordo a confisca ambos vehiculo te ora nan trese esakinan
drecha.

Polisnan ta sigui cu control den trafico y
awor hasta e camindanan unda menos bo ta
spera!