Page 29 - KPA

Cuerpo Policial lo investiga caso di
maltrato serio contra ciudadano

BY: LOOP NEWS
07:12, March 8, 2017
64 VIEWS

Segun un comunicado nan ta haciendo un investigacion interno.

Relata na e noticianan publica unda tres hende homber ta denuncia publicamente den media di
comunicacion di maltrario serio di Polis despues di parada di carnaval tin atencion pa Cuerpo
Policial. Segun Cuerpo Policial den un comunicado nan ta haciendo un investigacion interno.
Manera conoci cu e parada grandi di Oranjestad riba 26 Februari a sucede varios detencion y den
Havenstraat a sucede un caso unda polisnan a maltrata mas cu 3 persona sin tin mester.
E personanan maltrata for di diamars despues di carnaval a haci denuncia na BIZO cu rapport di
hospital tur cos y potretnan como evidencia, y nan ta keha cu ta un polis di alto rango, (
hoofdinspecteur ) ta esun cu a maltratanan di e forma ey. Si e personanan aki no a sali haci e
denuncia publico na medianan Cuerpo Policial lo ta keto keto cu e caso. Hopi Polis ta disgusta cu e
maneho di alto mando, con e ta midi casonan den e cuerpo. Pasobra cu ta polisnan di rango halto ta
sconde cos y ora ta esnan chikito castiganan sacanan den media. Ta conoci cu riba 3 di maart
recherche a detene 2 agente policial masculino pa a maltrata un persona seriamente riba e mes un
fecha di 26 Februari parada grandi na un asistencia. Unda a maltrata un persona na Paradijs cu
posibelmente a lanta contra di nan, pero cu di biaha BIZO a actua riba e caso pa detene e dos
agente policialnan, y e polis di alto rango cu a bati personanan sin tin mester cu no a ni resisti tur
cos ta KETO di parti Cuerpo Policial. Acaso lo dune un otro vrijspaar atrobe???