Page 52 - MIN ON - APRIL 17,2015

Si kier paga, tin cu paga e suma cu a paga e utimo añanan pa enseñanza

 Apr 17th, 2015
 Local

Pa loke ta e tema di pagamento di schoolgeld tampoco ningun hende paga esaki pasobra tin
caminda pa cana segun Rudy Geerman.
Aki tambe tin un problema grandi. Geerman ta sigui splica toch tin algun hende cu ta paga pero
FTA ta conseha paga loke bo a paga te cu aña pasa. Si esey ta e cobransa ta bin ta pagando e
ultimo aña, esey ta paga. No por ta asina cu bo ta paga 75 florin y diripente ta bira 250 florin.
Locual ta paga te na 2014, esey ta paga.
No por ta asina cu na e momento aki tin basta discusion entre SKOA y e minister concerni. Hasta
ta kere cu esey ta mustra mas tanto un show, pasobra ningun hende no kier haci loke nan mester
haci. Gobierno den e caso aki ta menasa di cuminsa cu un caso contra SKOA, cu te ainda no a
cuminsa. Simplemente locual a tuma lugar ta cu gobierno a baha su gasto y loke e ta contribui tur
aña na SKOA, no ta bin manera mester ta. E placa cu nan ta haya di gobierno ta bira menos y
awor e kier bay cerca pueblo pa paga. Tin hopi trahador na e momentonan aki, mama y tata, cu ta
pasando dificil pa por cera nan cen fin di luna pa paga nan debenan, y cosnan basico y si bay
aumenta esaki riba pueblo, ta nifica ta trece hende mas den problema. Consecuentemente e placa
ey tin cu saca ta haci cu tin cu cumpra productonan necesario menos. FTA kier a bisa pa no paga
nada extra. Tambe ta wordo bisa na e muchanan di scol y na mayornan cu si no paga no tin
garantia cu pa otro aña tin cupo na e scol ey. Esey ta un forma di spanta hende y ta compronde na
momento cu bay paga, tin hopi hende ta bay cu dificultad pa paga e cen ey. Simplemente pa
garantisa cupo di nan muchanan na e scol pa e proximo aña escolar, ta hopi di mala fe cu ta usa
esey como argumento pa forsa e mayornan y kizas hasta tin momento fia placa pa bay paga esey.
Segun Geerman esey ta inhusto y ta completamente contra y ta apoya tur accion cu ta tumando
lugar rond di e problema aki. Palabranan cla, como bloke sindical ta contra y si kier paga, tin cu