Page 6 - MIN ON - APRIL 17,2015

AWEMainta Diabierna, 17 April 2015 5

Segun Presidente di FTA Rudy Geerman,

Pa enseñansa bay
dilanti mester pone
placa den dje

PRESIDENTE di Federacion

di Trahadornan (FTA)
Rudy Geerman a bisa ayera,
representando e Bloke Sindical
cu ta trahando hunto, cu tin
falta di maneho den enseñansa
na Aruba. Esaki, como contesta
riba un pregunta relaciona cu
tur e problemanan andando
den e area di enseñansa
actualmente.
“E tin nos preocupacion. Paso
nos ta bisa, pa locual cu ta
enseñansa, mester fiha un
maneho,” Geerman a bisa.
“Ora bo ta realmente inverti
den bo enseñansa, pone placa.
Mientras cu bo no ta haci
esey, y bo kier cremencha,
cremencha, nunca enseñansa
ta bay aumenta.”

Tocante loke Minister
di Enseñansa Michelle
Hooyboer a pone den e Plan
Gubernamental cu su enfoke lo
ta pa hisa e nivel di enseñansa,
Geerman ta bisa, “Bo no por
hisa nivel di enseñansa si bo ta
dispuesto pa paga solamente
un parti chikito di bo GDP
(Gross Domestic Product) di
un pais. Anto [cu] esey bo ta
hisa e nivel? No!”
Segun Geerman, Minister
no por bisa di un banda cu e
kier hisa e nivel di educacion
mientras no tin un maneho.
Y mas cu esey, un maneho
cu ta wordo garantisa cu un
inversion financiero.

“Cualkier Minister cu sinta
por papia hopi bunita di su
maneho, [pero] mientras
cu e no por convence e otro
Ministernan, cada un mester
gasta menos pa nos gasta mas
den enseñansa, nos por papia
yen cos pero nos ta gaña nos
mes.”
Segun Geerman, “si nos kier
hisa e nivel di enseñansa, e
ta bon bini. Pero realmente
haci’e. No simplemente pa
consumo publico bo ta bisa,
pero realmente bo no ta bin cu
un maneho.”