Page 7 - MIN ON - APRIL 17,2015

6 AWEMainta Diabierna, 17 April 2015

Bloke Sindical ta conseha

Paga na
schoolgeld
loke bo a paga
aña pasa,

NO MAS

SEGUN e Bloke Sindical, mester bin ainda un otro solucion pa

cu e schoolgeld cu mayornan lo mester paga pa muchanan cu ta
asisti scolnan di SKOA. Mientrastanto e sindicatonan ta conseha
mayornan pa paga SKOA solamente e suma cu nan a paga na aña
2014, y no mas cu esaki.

“Nos conseho ta: paga locual bo a paga aña pasa,” Rudy
Geerman, Presidente di Federacion di Trahadornan (FTA) a bisa,
representando e Bloke Sindical. Segun Geerman, no por ta cu e
aña anterior a paga un suma manera Afl. 75, y awo mester paga
Afl. 250.

Segun Geerman mientrastanto no tin acuerdo entre Gobierno y
SKOA, pueblo lo mester warda pa cu e situacion aki. “Gobierno
tin e responsabilidad di busca e solucion. Mientras Gobierno no
busca solucion, nos pueblo no por bay carga e consecuencia di no
cumplimento cu bo obligacion.”

Tambe Geerman a yama e situacion entre Gobierno y SKOA un
“show”,“pasobra niun hende no kier haci locual cu nan mester
haci. Gobierno den e caso aki ta menasa di cuminsa un caso
contra SKOA, te ainda e no a cuminsa.”

Segun e sindicatonan, “Tin hopi trahado na e momentonan aki,
hopi mama y tata cu ta pasando dificultad pa por cera nan cen
fin di luna pa por paga nan debenan [di] e cosnan basico.” Pues
e Bloke Sindical no ta di acuerdo pa den un situacion asina pone
mas gasto riba lomba di e pueblo aki, Geerman a informa.

Pa loke ta trata cu e menasa cu mayornan ta hayando, su si nan
no paga no tin garantia cu nan yiu lo haya cupo pa e siguiente
aña escolar, e sindicatonan ta bisa, “Esey ta un forma di spanta
hende. E ta inhusto y nos ta completamente contra.”

E Bloke Sindical ta bisa cu na ta apoya tur accion en contra di e
problema aki di schoolgeld.

Avenida Milo J.Croes # 118 –A P.O.Box 353,
Tel: 5883948, fax: 5883945, Aruba
Dilanti Flora Market na Dakota,

DOUBLE LOCK STAINLESSTEEL,

BON CALIDAD

SPECIAL PRICE AWG. 49,00
Só.. PROBECHA !