Page 73 - MIN ON - APRIL 17,2015

scol

Thursday, 16 April 2015 19:11
Comparti

Parlamentario Marlon Sneek durante conferencia di prensa di fraccion di AVP ayera mainta, a presenta
bisti tur na preto y a informa cu esaki ta den señal di solidarismo cu protestanan cu tin conra di violencia
contra di un maestro di scol cu a tuma luga na un scol na San Nicolas.
"Mi ta full na preto bisti y esey ta pa mustra cu fraccion di AVP y mi persona en particular como docente,
kier a protesta sigur y manda un mensahe sigur, cla y raspa cu nos como fraccion di AVP, ta condena loke
a tuma luga na basisschool Filomena caminda cu cabesante di e scol a wordo agredi pa algun hoben.
Den un reunion publico dia un di April, caminda nos tabatin Minister di Enseñansa den Staten, fraccion
di AVP a pasa diferente mocion pero dos di nan sigur tabata dirigi pa pone mas atencion na cuido y
proteccion na maestronan y si tuma contenido di un di nan, esaki su dictum ta bisa asina aki: "ta dicidi
pa condena energicamente tur forma di agresion fisico of verbal contra un maestro di scol cu tuma luga
den ehecucion di su funcion di maestro di scol of pafo di scol. Sea directo of inderecto of via medionan di
comunicacion social."
Pues aki nos por mira un mocion basta amplio caminda no solamente e parti fisico pero e parti
psicologico si nos ta mira con un maestro di scol ta wordo ataca den medionan di comunicacion.
Den un otro mocion nos fraccion caminda nos a pone cu ta condena den e forma mas explicito tur forma
di termento, agresion fisico - verbal, discusion, bullying, descriminacion rond di scolnan di Aruba, dor di
cualkier adulto of alumno.
Pues por mira akinan cu dos siman pasa e mocionnan aki a wordo pasa y nos a combersa den e reunion
aki cu nos Minister di Esñansa y nos a enfatisa riba e parti di loke nos ta yama scolnan sigur, caminda
tanto den nos preguntanan cu nos a manda pa Minister y den e reunion menciona, nos a pone enfasis cu
mester haci algo pa haya mas seguridad na scolnan pa nos no yega na situacionnan caminda nos ta mira
situacionnan di agresion na diferente scol y evita cu esaki lo bay totalmente for di man.
Mi ta kere cu ta importante pa nos pone atencion na esaki y den e caso specifico aki ta papia di un mestro
cu a wordo agredi pero na mes momento tin un of mas hoben cu e tambe tin mester di ayudo.
Nos lo sigui traha pa evita cu e tipo di casonan aki y mester haci tur esfuerso pa evita cu esaki lo bay for di man den
futuro," Parlamentario Marlon Sneek a trece dilanti.

Comentarionan (1)

Mustra/Kita comentarionan
asinames
April 16, 2015
2 0 1 .2 2 9 .2 4 .1 9 2
Votes: +2