Page 21 - awem nov 4

AWEMainta Diaranson, 04 November 2015 21

E congreso organisa pa ICEPAL tabata exitoso

Tur candelabro cu ta paga mester cende bek den e
Iglesianan pa un avivamiento real y uni por tuma lugar

UN Congreso di gran bendicion y di reto a

tuma lugar den fin di siman organisa pa Iglesia
Cristiana Latinoamericana y Caribe for di cual
Iglesia Piedra Plat ta forma parti. Esaki a sera
cu un concierto di gradicimento na Dios cu e
Banda Kairos.

Tur e invitadonan di exterior a sinti nan mes
na cas bou guia di Pastor Adri Berg y su ekipo.
Pastornan y lidernan a wordo ekipa pa confronta
e tempo nobo di cambio y reforma den Iglesi-
anan, cu mester bolbe n’e fundeshi di Jesu Cristo.
Tur candelabro cu ta paga mester cende bek
den e Iglesianan pa un avivamiento real y uni
por tuma lugar.

E grupo cristian di latinoamericano, Venezuela
y di Caribe ta bendiciona e pueblo di Aruba y
ta profetisa cu Aruba lo ta “Un porta habri pa
Europa” y Dios lo usa su scoginan na Aruba pa
realisa e obra aki.

Mundo no solamente ta den un crisis economico,
politico pero principalmente ta den un crisis
Spiritual, nos mester lanta for di soño! Nos ta
adora un Dios bibo y por lo tanto nos tambe ta
bibo.

Den nomber di ICEPAL, Iglesianan Cristian La-
tino Americano y di Caribe ta gradici tur esnan cu
di un of otro forma a yuda pa realisa e Congreso
aki. Danki na Iglesia Odres Nuevo, miembronan
di Iglesia Piedra Plat, tur otro pastornan y lider-
nan di e Iglesianan di Aruba y principalmente e
autoridadnan local cu a percura pa documen-
tonan oficial p›e bishitantenan di exterior. Dios
bendiciona boso tur!