Page 18 - awem nov 4

18 AWEMainta Diaranson, 04 November 2015

Danki Aruba
pa aporta
grandemente na
Mercado Santa Rosa
durante 2015

DURANTE e aña aki nos mercadonan un biaha mas tabata un

exito rotundo. Si nos mira bek atras con e bishitantenan a re-
sponde riba cada yamada na momento di un di nos mercadonan.
For di tur skina di Aruba hendenan sa di yega p’asina difruta di
nos mercadonan. E prijs incompetibel sigur ta uno cu ta capta
atencion di tur hende. Sin papia mes di e productonan cu ta
durante di nos mercadonan so ta obtenibel.
Nos productonan fresco produci pa nos mesun hendennan ta
hasi nos mercado autentico.

Esakinan semper ta acapara atencion di tur nos bishitantenan
cu ta bin hasi nan compras durante di nos mercado. Platonan
crioyo cu hopi biaha ta durante di nos mercadonan so bo por
saboria. Un ambiente familiar cu sigur ta aki na Santa Rosa so
bo por disfruta.

Famianan ta tuma e oportunidad di sinta un rato bou di nos tent
cu nos tin especialmente pa bishitantenan pa por pasa un rato
agradabel combersando of saboriando un di e platonan crioyo
cu nos mercado ta ofrece.
Matanan di fruta y ornamental hopi pidi y solicita p’asina cada
bishitante por tin asina un variedad grandi pa scoge e mata di su
preferencia pa hasi su hogar mucho mas bunita principalmente
den e temporada di fin di aña.

Na momento cu un famia bishita nos mercado semper nos tin
entretenimento especial dedica pa nan p’e muchanan.
E Dino Jump cu no por falta p’asina na por pasa un rato agrada-
bel bulando. Nos “Cunuco Chabelito” cu sigur e muchanan ta
encanta pa hasi un bishita serca e diferente animal cu nos.
Ta un di e atraccionnan principal cu nan ta encanta pa bishita.
Pony Ride tambe ta un di atraccion hopi gusta pa nos muchanan
cu ta bishita nos mercado. Muchanan ta gusta un paseo riba
cabay den Santa Rosa. Asina nos por sigui menciona tur atrac-
cionnan cu nos mercado ta ofrece pa henter e pueblo di Aruba,
grandi y chikito por disfruta.

Nos ultimo Mercado Santa Rosa diadomingo ultimo cu un bi-
aha mas tabata bon bisihita. Tur esanan cu a bishita nos a sali
masha content di tur locual nos ultimo mercado tabata ofrece.
Staff y Personal di Departamento di Agricultura, Cria y Pesca
Santa Rosa ta manda palabranan di gratitud na tur nos bishi-
tantenan, Aruba engeneral, nos productornan cu semper ta
sostene nos tan afamado Mercado Santa Rosa e sosten mereci
durante nos mercadonan e aña aki. Nos ta spera cu por keda
conta cu boso sosten durante aña venidero. Feliz dianan di
fiesta nos dilanti di parti Santa Rosa y su team cu ta traha pabo
incansabelmente.