Page 6 - 10June2022

PAGINA 6 DIARIO DIABIERNA 10 JUNI 2022

Debi na problema

cu coriente na Aruba

hopi avion a desvia

pa Curaçao

ORANJESTAD (AAN): Diahuebs atardi ora cu e
problema den e central di generadornan RECIP di
WEB Aruba NV a ocasiona un blackout pa henter e
isla, uno di esnan cu a wordo afecta tambe ta Aero-
puerto Internacional Reina Beatrix.
Aunke nan tin un di e parke solar di mas grandi riba
e isla, paden di e lugar tur cos a keda scur.
Como cu no tin coriente back-up na Aeropuerto,
esey a pone cu tur e vuelonan cu tabata rumbo pa
Aruba, mester a dicidi na desvia y usa nan ‘alternate
airport’, cu ta Curaçao.
E avionnan a ateriza na Curaçao, y a keda warda te
ora cu e sistema di coriente a stabiliza bek na Aruba,
pa asina forma un flightplan nobo y lanta vuelo bek
rumbo pa Aruba.
Mientras tanto, observadornan a indica cu Aero-
puerto di Aruba a converti su mes den un caos. A
pone tur pasahero cu ya caba a check-in y tabata
den Gate Area, pa sali bek. Inmigracion tambe a dal
porta cera, como cu comprendiblemente no por a
traha den calor. Tin indicacion cu avion cu a caba di
ateriza net un poco prome cu coriente a bay, e pasa-
heronan aki a tarda basta pa haya servicio di klaar-in
na Inmigracion.
Como cu tur pasahero a bay bek pafo, esaki dado
momento a bira un rij basta largo pa e pasaheronan
por a drenta bek.