Page 30 - AWEMAINTA

30 AWEMainta Diahuebs, 15 Maart 2018

Corsou

Kaso di

tiramentu

ku morto

DJÁRASON 14 di mart 2018, alrededor di 06.10 or

di mainta, Sentral di Polis a risibí notifikashon for di un
polis ku a kaba di baha warda, ku e la señalá un outo ku

ta prosedente di ladronisia den área di Koral Specht. E

polis aki a kuminsá ku un persiguishon den su outo per-
sonal tras di e outo. Den área di Amandelweg e polis a

aksidentá ku su vehíkulo personal. Dado momento e so-

spechoso a trata di kore bai for di e sitio. Na e momentu
ei e polis a lòs tiru di atvertensia for di su arma regla-

mentario, sinembargo e sospechoso a sigui kore. E agente

polisial e ora ei a lòs tiru dirigí riba e sospechoso ku a
alkansé na e parti ariba di su kurpa. Ambulans ku a yega

na e sitio no por a hasi nada mas pa e víktima. Alrededor
di 07.15 or dokter di polis a konstatá morto di e hòm-

ber Heric Nicolaas Nazareno Ricardo nasé na Kòrsou,

22 mei 1973. Riba òrdu di Fiskal di Ministero Públiko a
konfiská e kurpa sin bida pa mas investigashon.

Polis a konfiská e vehíkulo ku e sospechoso/víktima ta-
bata kore i ku ta prosedente di ladronisia. Den baul di e

vehíkulo aki polis a haña i konfiská kuater (4) kaha di un

‘energy drink’ ku probablemente tambe ta prosedente di
ladronisia.

Landsrecherche ta kontinua ku e investigashon.