Page 22 - WEB
P. 22
El a splica cu e ta na altura di e kehonan cu ta biniendo di ASTEC algun tempo pasa.
Esun di diamars e no tabata sa di dje e momento ey. Tambe nan a wordo informa dor di
gobierno algun tempo pasa y WEB mes tabata presente den e reunion cu gobierno riba e
keho algun siman atras. Diamars a mira cu den oranan di atardi a pone tur cos plat y
trucknan a blokia entrada di Waf. A base di esey mes a logra papia cu e director. El a
splica cu ta 80 aña caba WEB Aruba NV ta haciendo uso di e mesun Fuel Oil.
Si berdad e problema ta asina serio pa Waf di Barcadera, e lo no ta facil pa alivia e
situacion. E lo ta un inversion basta cuantioso y cu no ta sosode di awe pa mayan. Pesey
mes no por bisa masha y mester atende cu gobierno tambe riba e situacion cu awor a
presenta. E ta interesante pa mira con e problema aki lo keda cla pa e dianan nos dilanti.
ASTEC a mustra cu nan tin pruebanan haci y cu ta indica e daño cu e huma di WEB por
ta pa salud di nan trahadornan y otronan cu ta traha riba barco of truck cu ta bin pa lastra
container.
http://24ora.com/director-di-web-riba-keho-di-astec-nos-tin-80-ana-usando-
mesun-tipo-di-fuel-oil-na-web/
