Page 61 - MIN VOS 9 APRIL 2016

Diasabra awo SVB lo habri su oficina na Vondellaan pa
atende e 44 trahadonan di Aura pa entrega nan peticion di
cesantia

Friday, 08 April 2016 09:24
Comparti

Tin un situacion cu ta den noticia for di December bin ariba. Ta trahadonan di Aura Casino cu no tin
entrada, nan ta sin trabao y ta buscando un solucion. Awor aki nomber di SVB tambe a wordo menciona
pa posibel yudansa of posibel solucion pa e problemanan financiero cu nan por tin.

Segun director Edwin Jacobs, SVB a keda acerca pa mediador di gobierno pa loke ta e trahadonan di e
casino, cu un proposicion. E proposicion cu mediador a presenta na SVB no ta cuadra den e leynan cu
SVB tin pa loke ta trata maneho di e fondo di cesantia. Sinembargo ora cu a analisa e situacion di e caso,
a yega na e conclusion cu e ex trahadonan aki a base di e hecho cu e compania a stop di paga, ta bin na
remarca pa ricibi nan cesantia for di e fondo di cesantia. Kico ta e caso? Pa un trahado bin na remarca pa
cesantia, e prome condicion ta cu el a perde su trabao fuera di su boluntad. E por tin tres caso caminda
cu e ta perde su trabao fuera di su boluntad y cu e ta haya un derecho riba e cesantia for di e fondo di
cesantia. E empresa cu e ta traha na dje a bati bancarota. Tin n sentencia di hues cu ta bisa esey. E
compania a haya suspension di pago door di hues y e compania a simplemente stop di paga y den e caso
eynan, por lo general, tin cu haci un investigacion pa asina por determina cu berdaderarmente compania
a stop di paga. Den e caso aki e no ta hopi dificil pa motibo cu wak e lunanan pasa y tambe cerca SVB a
cera e compania den e sistemanan di December caba. E compania no ta dificil pa constata cu e compania
a stop di paga. Por lo tanto e ora ey a informa minister di Salud Publico di e situacion cu en principio e
trahadonan aki ta bin na remarca pa cesantia. A informa mediador di esaki tambe. Durante un reunion
cu SVB, Mediador di Gobierno, sindicato y tambe abogado di sindicato, caminda cu e palabra con ta bay
atende cu esaki. Di parti di SVB ta bay haci un esfuerso pa por paga e cesantia aki riba termino cortico pa
facilita e proceso. Pa e ex trahadonan aki di e casino por ricibi nan cesantia, mester haci e peticion pa
cesantia y mester suministra SVB cu diferente documento necesario, manera ultimo dos payslipnan, ID,
etc. Y pa por facilita esey SVB a pone disponibel coleganan diasabra awo na oficina di SVB na Vondellaan
cu lo atende cu e 44 trahadonan aki cu ta bin entrega nan peticion pa e cesantia. E momento ey lo start
op e proceso pa bay over na determina cuanto derecho nan tin riba cesantia y asina bay over na pago di
esaki.

E ta un proceso si cu ta bay tuma su tempo, pa motibo cu ta basta trahado y cerca SVB, door cu cesantia
no ta un porcion grandi di e trabao diario den SVB, e ta bay tuma su tempo. Pero ta spera cu den dos pa
tres siman por ta asina leu cu por bay over na paga e trahadonan. Na momento cu un persona haci un
peticion na SVB pa pago di cesantia for di fondo di cesantia, e record di contribucion di e compania no ta
haci un efecto si ta bin na remarca pa e cesantia of no. Hasta por pasa cu un compania ta deha di inscribi
un trahado na SVB, pero si e trahado por prueba, a base di contrato di trabao of a base di pagonan cu e
tabata den servicio di e compania pa tanto tempo, e trahado ta haya su derecho riba cesantia. E trahado
nunca no por wordo perhudica door di accionnan di e doño di trabao. Semper e por bin na remarca pa
cesantia. Solamente e mester por prueba cu e ta den servicio di e empresa y pa tanto tempo, segun ir.
Edwin Jacobs. Loke ta tene man ta procesamento di e peticionnan. Pa loke ta trata cesantia, a loke ta e