Page 71 - MIN VOS 9 APRIL 2016

ora e persona tin 40 pa 45 aña e daño fisico ta comprometedor . E daño fisico ta asina grandi cu aporta na
comunidad y hiba un bida independiente ta bira cas imposibel. esaki lo trese cun cu ta otronan tin cu take care
dibo nan lo haci’e si cu amor, pasobra nos ta ciudadano cu ta yuda otro, pero si e cantidad di persona asina bira
cada biaha mas grandi, dado momento comunidad no por carg’e. Cu nos kier of no, nos no lo por carg’e mas y
esey ta importante pa nos como Arubiano realisa cu e responsabilidad ta di nos mes. Ta facil pa tira culpa riba
un departamento, riba un organisacion of riba un Minister, pero na final di dia e prome responsabel pa bo salud
ta bo mes.
Dr. Alex Schwengle, den su calidad di Minister di Salud Publico, Cuido di Nos Grandinan y Deporte , ta
considera cu hende mester por sa cu obesidad ta un peliger, diabetes ta un peliger y cu e tin consecuencia ora e
ta for di control. Sinembargo e ayudo t’ey. Tin cosnan cu tin cu bin pura. Tin hopi huiswerk pa haci ainda y ta
trahando riba dje, pero e enfoke ta keda y e peticion ta pa pueblo move tur dia mey ora of un ora, ki sorto di
movecion no ta importante, tanten cu ta move. Stop di bebe cosnan cu sucu, bebe awa. Si bo ta gusta bebida
alcoholico, limit’e te na dos y si por, maximal 1 biaha pa siman. Come bo fruta y berdura tur dia y biba menos
na careda constantemente esaki ta malo pabo curason, stress ta hopi malo tpa e curason.
Esey ta e mensahe cu Minister Schwengle tin pa pueblo y ta spera cu cada ciudadano por aporta na nan mesun
salud pa nos tur ta un tiki mas sano y biba un tiki mas contento den nos bida.