Page 87 - MIN VOS 9 APRIL 2016

SVb ta preparando e servicio pa e siguiente generacion di nos
grandinan

Friday, 08 April 2016 20:21
Comparti

Casi 15 aña SVb a keda atras den mehora nan infrastructura pa por duna, pa por pasa e nivel di servicio
tambe pa e siguiente nivel den un sociedad di informacion caminda tecnologia mas y mas ta hunga un rol
importante.

Por cuminsa mira caba na momento cu e fondo di pensioen di biehes a cuminsa drenta den su fase di
recuperacion, e inversionnan tambe pa ofrece e preparacion di e servicio di e siguiente generacion di
pensionado cu ta bin a cuminsa. Recientemente a anuncia cu tin cierto servicionan caba cu a bay online
via internet y pa otro aña lo anuncia cu mas servicio ta bay online riba internet y ta spera cu otro aña ta
completa esaki tambe pa e parti di pensioen. Asina ta prepara e servicio pa e siguiente generacion di nos
grandinan cu lo ta un generacion cu un capacidad hopi mas grandi pa loke ta trata maneho di tecnologia
di informacion, computer, tablet, laptop y celular for di eynan, por accede SVB y ricibi servicio di nan. Na
momento cu sanea e fondo di seguro di males, ta intencion di SVB y nan compromiso, pa pasa tambe e
servicionan cu ta duna clientenan, doño di trabao y aseguradonan pasa pa e siguiente nivel di servicio cu
ta sinti caba cu tin demanda pe, pero pa motibo di e situacion financiero di e fondonan, no por a inverti,
pero cu proximamente ta bay inverti pa asina duna e servicio den un sociedad nobo di informacion
caminda cu doñonan di trabao y trahadonan ta uza tecnologia pa accede na informacion y asina duna
transparencia di SVB n e clientenan. A bin denomina como Vision 2020, e vision caminda cu ta pone stap
pa stap pa bay yega na locual ta wordo yama E SVB, cu su servicionan tambe ta wordo brinda
electronicamente. Esaki ta necesario pa pasa e nivel di servicio pa e clientenan na e siguiente nivel
digital, pero tambe pa crea espacio den SVB pa por bay atende e retonan cu ta bay tin den e siguiente
decada den añanan 20. Den añanan 20 ta bay tin retonan organisatoriamente interno, pero tambe
retonan grandi di comunidad, cu ta bay tin su impacto riba e fondonan. Tin cu menciona,
embehecimento di e poblacion laboral, e forsa laboral lo bay tin su efecto riba e fondonan di SVB. Ta
premirando esey caba segun Jacobs. Tambe e perfil di salud di e forsa laboral cu ta un refleho di e perfil
di salud di e poblacion tambe ta bay tin su efecto riba e fondonan di malesa principalmente. Pesey tin cu
prepara e fondonan pa ta financieramente fuerte pa SVB por atende cu esaki. Ta tende caba di e actornan
politico cu tin diferente punto ta wordo treci como atencion, manera por ehempel tin e dos aña di
expiracion pa e mesun malesa, ta bira problema, etc. Pero si no prepara e fondo financieramente pa
esaki, no por atende cu esey. Ta drenta como SVB den e siguiente ciclo den e bida di SVB, si dialuna awo
parlamento di Aruba aproba e plan di saneamento di e seguro di malesa manera proponi pa minister di
salud publico y gobierno di Aruba na Parlamento, Jacobs a finalisa.

http://www.24ora.com/local-mainmenu-5/107307-svb-ta-preparando-e-servicio-pa-e-siguiente-
generacion-di-nos-grandinan