Page 4 - AM221230

4 LOCAL AWEMainta
Analisis
Canasta basico pa proteha pueblo pero gobierno si ta viola esaki
ra un gobierno no ta honesto cu su pueblo, esaki ta algo hopi serio y
O na momento cu pueblo tin representantenan den Parlamento cu tam-
poco ta kibra nan cabes pa sirbi pueblo su interes, e situacion lo bira peli-
groso. Mientras cu dia 14 di December ultimo Parlamento cu 11 voto na
fabor a aproba e cambio di BBO pa 7%, ningun caminda por a scucha un
mandatario bin dilanti y informa pueblo kico realmente e aumento aki ta
nifica pa cartera di pueblo.
Casi dies dia despues, gobierno ta saca algun participacion den medi-
onan di comunicacion pa pueblo, mustrando cu prijs di pan lo aumenta,
prijs di webo lo aumenta, prijs di productonan den canasta basico tambe
ta aumenta, prijs gasolin y diesel ta aumenta, (red: no pa crisis mundial)
asina cu prome di Januari dal habri aña 2023.
Loke ta interesante di tur e participacion aki haci pa Gabinete Wever Croes
II diaranson atardi, ta cu esaki ta tuma luga memey di e ambiente di fin di
aña, caminda pueblo ta haciendo lo maximo pa cambia un 2022 cu tabata
hopi pisa, buscando tur tipo di material pa cambia suerte pa 2023 ta mas
positivo.
Ya for di diamars cu Minister di Economia, Geoffrey Wever a anuncia
aumento di prijs di gasolin y diesel, no pa motibo cu riba mercado mundial
a surgi un aumento di productonan petrolero pero e aumento aki tin di
haber cu e decision di su gobierno di aumenta BBO ta na 7%.
Banco Central di Aruba (BCA) ta informa cu e moneda conmemorativo di
plata di 5 Florin “Warawara” ta obtenibel desde 29 di december 2022 na BCA.
E Warawara ta un parha cu ta birando mas comun na Aruba. E Warawara ta un
carnivoro cu ocasionalmente tambe ta come entre otro lagadishi, raton y carcas di
cabrito. E ta haci un sonido peculiar, hopi biaha tirando su cabez patras. E hanchura
di e hala di e Warawara ta 120 cm y su color ta maron-preto. No tin diferencia den
apariencia entre e Warawara macho y e hembra. Un hecho chistoso di e Warawara ta,
cu e ta prefera di cana en bes di bula.
Specificacion:
Metal: Plata (925/100)
Diameter: 38 mm
Peso: 25 gram
Calidad: Proof
Denominacion: 5 Florin
Prijs: Afl.145,00
Pa mas informacion por tuma contacto cu Departamento Cash Operations &
Logistics di BCA na telefon 525-2139.
Pa compra:
For di dialuna pa diabierna na caha di BCA na J.E. Irausquin Boulevard 8,
mainta entre 8:30 y 11:45 y merdia entre 1:15 y 3:30.
Diabierna, 30 December 2022
Un aumento cu ta dal pueblo un biaha mas den
su cartera pero cu di otro banda ta duna caha
di gobierno, un tiki mas speki ya cu ta gobierno
ta saca probecha total di esaki.
E aumento di prijs di pan tabata algo cu pa
algun tempo caba tabata di spera, esta for di
momento cu Parlamento a aproba e aumento
di BBO recientemente, panaderonan a informa
gobierno cu esaki lo nifica aumento di prijs di
pan y loke a surgi tambe.
Prijs di tur pan lo aumenta, kipashi lo aumenta
pa 5.46 cu ta casi 75 pa kipashi loke ta nifica
cu pa siman na pan so, un famia lo mira un
aumento di 4.50 cu pa un luna lo bira casi 18
florin.
Anto esey ta e pan so, ya cu tanto beleg,
manteca, pinda, pot ham, hot dog, hamburger
of cualkier otro cos cu ta buta den pan, ta
aumento cu e aumento di BBO na 7%.
Kisas e shock di mas grandi di henter e deci-
sion di gobierno aki, ta e aumento di prijsnan di
producto den canasta basico, ya cu e canasta
aki a wordo crea pa gobierno mes, pa asina
pueblo no wordo perhudica constantemente cu
aumento di productonan basico cu pueblo tin
mester.
Awor e propio gobierno cu a bin cu a canasta
basico aki pa proteha pueblo contra cualkier
tipo di inflacion, ta bira pone 1% di e aumento
di BBO riba e mesun productonan basico aki.
Cu otro palabra gobierno ta duna tanto pueblo
como e sector comercial e impresion cu ora cu
gobierno tin mester di placa, e ora proteccion
pa esunnan mas debil den comunidad ya no ta
conta.
Pues aki claramente pueblo por mira cu na
momento cu ta yega interes di pueblo, gabi-
nete Wever Croes no t’ey pa pueblo ya cu e tipo
di decisionnan aki, tanto pa loke ta aumento di
gasolin y diesel, aumento di productonan den
canasta basico cu 1% segun e cambio di ley
di BBO, ta mustra cu ora gobierno kier placa,
no ta tene consideracion cu pueblo su necesi-
dadnan.