Page 12 - BNDIA ARUBA
P. 12
a12 riba caya
Diamars 26 November 2019
Chauffeur a accidenta na rotonde Sero Patrishi
ORANJESTAD – Dialuna marduga chauffeur den
un Kia Rio biniendo for di Tanki Leendert riba
WVB a perde control dal contra un borchi y acera y
kibra parti di su auto.
Polis a presenta na e sitio pa tuma dato y roadservice a keda
yama. A pone e chauffeur supla, pero e tabata net na e parti
di e alcohol pero a keda avisa cu e no por sigui core auto
mas te ora cu solo sali.
Pos ta yena y pasa over riba caminda
ORANJESTAD – Team di Bureau City Inspector a rici-
bi un melding tocante awa cu tabata bay riba caminda
na Madiki.
Team di BCI a bay controla na Madiki y a haya un pos cu ta
yena cu awa y cu esaki ta basha riba caminda. Sinembargo, a
constata cu e pos en cuestion ainda no tabata cla pa ta den ser-
vicio, sino cu tabatin un renobacion ta tumando luga.
BCI a papia cu e bisiña kende a haci e melding inicialmente
pa informa di esaki y pidi comprension pa cu e renobacion cu
tabata tumando luga cu e pos.
