Page 7 - diario
P. 7
DIALUNA 19 OCTOBER 2015 DIARIO PAGINA 7
Gremionan comercial para
100% banda di Gobierno Telefonnan di DIARIO
582-6747 Fax 582-8551
Relaciona cu eliminacion di articulo 1613
ORANJESTAD (AAN) -- Segun un comunicado for di despacho di ministro Paul Croes,
gremionan comercial ta apoya e proposicion di Minister di Labor, pa elimina articulo
1613X di nos codigo civil. Den tri-partite esaki a wordo discuti ampliamente. E cambio
aki lo no tin efecto riba contratonan actual. E impresion ey mester wordo kita for di
mesa.
Tur contratonan (vast) actual lo keda vigente. E cambio aki lo crea oportunidad pa
mas hende haya un trabou. Hendenan cu no ta trahando y ta haya trabou dificilmente,
e cambio aki ta duna espacio na e dunado di trabou pa emplea esnanaki. Por pensa riba
50-plussers, hobennan cu lo kier traha pa periodonan cortico, hobennan cu ta termina e
leerwerk traject, hendenan cu ta saliendo di bijstand y mester un empleo y tur persona cu
no tin trabou actualmente.
Aruba ta e unico pais den Reino cu no tin e opcion pa contratonan pa tempo defini
(kortlopende contracten). Gobierno den esaki ta kere mescos cu e gremionan comercial
AHATA, WAB, ATIA y SNBA cu e cambio aki lo tin efecto positivo pa tur hende cu no
tin trabou actualmente, e comunicado ta menciona.
