Page 18 - KPA
P. 18
ORANJESTAD (AAN): Den careda di 10’or anochi, patruya di strandpolitie a ser manda
na Riu Palace, caminda lo tabata tin un bringamento den e casino. Na yegada di
patruya nan a topa cu un homber americano basta bebi, cu tabata bringando cu un
homber Arubiano.
Aparentemente e americano lo a manda un boter riba e Arubiano, cu
consecuentemente a corta su man. Polis a bay atende mesora cu e americano, cu a
conta cu e homber Arubiano tabata tira palabranan di insulto den su direccion. E
americano su cana a yena y a tuma ley den su man.
Polis a detene e americano, mirando cu e tabata bao di influencia di alcohol y tabata
tira boter den e lugar. Polis a pidi dogcatcher pa transporta e sospechoso pa warda di
Playa. Polis a papia cu e Arubiano y a hala su atencion cu loke el a haci no ta manera
tampoco.
