Page 11 - LOTTO

importante cu na momento cu tuma cierto decisionnan of kier cambia cierto cosnan den e

caso aki, di Lotto pa Deporte, pa ta habri tambe, pa ta transparente.

Si tin pregunta, prensa lo dirigi esaki na e minister. Si tin cualkier preocupacion den

comunidad tambe lo haya tende esaki. Pa e minister ta importante pa garantisa e

existencia di Lotto pa Deporte y na un manera transparente, haci cambionan cu e ta desea

pa haci. Prome cu bay over na haci cambio, logicamente ta reuni cu esnan concerni y

haya tur e documentonan relevante pa tuma un bon decision.

Canadian Banknote

Canadian Banknote practicamente ta doño di Lotto. Segun e minister prome cos lo bay

pidi e contract di CBN. Lo bay sinta cu nan na mesa, pasobra nan ta maneha tur e
fondonan. Nan ta entrega parti di e ganashi na subsidie commissie di Lotto. Subsidie

commissie ta entrega parti na diferente fundacion. E gran parti di e bolo, CBN ta keda

cun’e, pasobra nan ta maneha e parti administrativo y e parti operacional di Lotto pa

Deporte. Na Aruba caba, durante gobierno anterior mes, a bin di compronde cu tin varios

compania local cu a mustra interes pa maneha LPD. Localmente mes, nos tin e

conocemento, tin e experticio pa maneha LPD. Den e direccion eynan e minister kier bay

pa si en caso tin e posibilidad pa anula e contract aki, pa brinda e posibilidad na tur

compania cu tin interes pa maneha LPD na un manera transparente, tene un destaho

publico y e miho compania gana e destaho publico aki. No solamente placa ta keda

Aruba, bo ta crea un empleo local, bo ta crea un spin off pa e economia, pasobra parti di e

entradanan ta bay directamente pa Lotto y bo ta crea empleo tambe cual ta importante pa
e gobierno.

Con hopi lo dura