Page 12 - LOTTO

Segun minister Dangui Oduber, tin cuater aña pa traha y kier cuminsa di biaha cu e

contract di LPD pa mira kico ta posibilidadnan. A compronde cu e contract cu CBN ta un

contract firma pa 15 aña, cual normalmente no ta usual. Ora bo firma un contract, bo ta

firm’e pa 1, 2, 3 te 5 aña. Despues di 5 aña ta prolonga esaki. Por ehempel Imsan a firma

un acuerdo durante periodo di gobernacion Eman, cu ex minister Visser, cu Baptist

Hospital y nan a firma esaki pa un periodo di 5 aña. Despues di cinco aña a resulta e

cooperacion. Imsan ta contento e manera cu nan ta traha cu otro. Nan a bira prolonga
esaki cu 5 aña mas.

Pero den e caso di CBN nan no a firma contract pa algun aña, sino pa 15 aña. Bo ta

compromete 4 futuro gobierno cu un contract cu por ta no ta di acuerdo cun’e at all. Esaki

ta cosnan cu e minister ta haya iresponsabel. Si en caso mes a firma un contract cu CBN,
firm’e den e margen cu ta aceptabel pa tur hende. Firma un contract di cinco aña. Si abo

mes ta gobierno, bo ta revis’e. Si tur cos ta canando bon, bo ta bira prolong’e cu cinco.

Pero no bira mara cuater futuro Gobierno pa 15 aña y awor aki ta haya e situacion cu tin

CBN cu ta maneha LPD y mayoria di entrada ta keda na Canada. Esey ta loke cu e

minister no ta di acuerdo cun’e. Pero tin cu bay revisa e contract, pasobra por ta ta bira

imposibel tambe pa kibra e contract. Ki bal kibra e contract y tin cu paga un

schadevergoeding, cu ta bal mas hopi cu e contract. Ta cosnan cu tin cu bay revisa y si tin

cu renegosha e contract, lo mester haci esaki un biaha mas cu CBN.

Debe

Probablemente e gobierno anterior tin su motibonan pakico a mara un contract a largo
plaso. Ta cosnan cu tin cu haya informacion pa duna mas dato riba e detaye aki.