Page 38 - MIN VOS NOV 23, 2015

AWEMainta Dialuna, 23 November 2015 27

Sv Britannia
Bright Bakery/
Total Finance ta
gana Caravel 5-0

DIASABRA atardi despues di un break cortico di dos

siman tabata tin continuacion di campeonato di AVB
ora cu Sv Britannia Bright Bakery / Total Finace a topa
Ind. Caravel den stadion Guillermo Trinidad na Dakota.
E wega a cuminsa bastante balansa cu un Caravel
dominando e wega cu hopi toke di bala y un Sv Britannia
Total Finance defendiendo.

Mientras cu minutnan tabata pasando Sv Britannia
Bright Bakery a cuminsa tuma control y no a tarda
mucho cu Sv Britannia Total Finance a cuminsa anota
golnan un tras di otro y e wega ta bira 4-0 pa Sv Britannia
Bright Bakery na haltime.
Nos mester menciona cu Sv Britannia a cuminsa cu dos
hungador hoben den e team basico kendenan ta Jean
Marc Farro y Luuk de Werd. Den di dos tempo Caravel
a hasi algun cambio y nos por a wak Gregory Breinburg
subi defende e colornan di geel cu blou di Caravel. Pero
den di dos tempo no a bin mucho cambio cu solamente cu
Caravel a crea algun chens di score y na dado momento
Caravel ta dal e cuero den tubo horizontal.

Den di dos tempo Sv Britannia Bright Bakey ta anota
un gol mas pa hasi e wega 5-0 y asina tambe e wega ta
bin caba.
Tambe nos por a aprecia e debut di e centro delanter
Hulandes di Sv Britannia Onno Doeland kende por sierto
a drenta y hunga bon y tabatin dos chens di anota pero
no a logra.

Golnan di Sv Britannia a wordo anota pa Johnatan Ruiz
2x, Renier Paraez 2x y Marvin Hous 1x. Sv Britannia
Total Finance / Bright Bakery su proximo compromiso
lo ta contra di Bubali cu por sierto a perde diasabra den
di dos wega contra di La Fama cu score di 2-1.
Un pabien ta bai n’e hungadornan y staf di Sv Britannia.