Page 15 - BNDIA ARUBA

A15
HENDE Diamars 27 maart 2018

Ritz Carlton a habri un restaurant Italiano nobo

PALM BEACH - Casa Nonna a habri su portanan
oficial. Un restaurant Italiano bou mando di
chefkok Rollyn Angela Rosas.

E ta ruman di e famoso restaurant bou mesun nomber
na New York unda ya e tin un reputacion grandi pa su
cuminda. Segun sr. Angela Rosas nan ta mantene mesun
calidad na Aruba su Casa Nonna. E menu ta igual aunke si
tin tokenan local. Por ehempel tin un dessert ‘local’.
“Hunto cu mi sous chef Dennis nos a bay New York pa
train dos siman na e restaurant original. Ami ta original-
mente di Costa Rica pero m’a biba casi henter mi bida
aki na Aruba. Mi a haci hopi stage, entre otro na Scream-
ing Eagle, White Modern Cuisine y gradua na EPI. M’a
sali bay studia na Florida pa mi bachelor degree. Anto m’a
traha bou di e chef famoso Masuhara Morimoto.”
E ta sigui conta di e cuminda na restaurant nobo: “Pa
mantene e ingredientenan fresco, nos mes por ehempel ta
traha nos pasta y nos pan.”

Cocktail Bellini
Un otro persona cu ta haci su best pa crea un ambiente
special ta e bartender Sabino cu ta traha Bellini. E be-
bida ta originalmente for di Venetia, añanan 1930 unda
Giuseppe Cipriani di e famoso Harry’s Bar cu clientenan
manera Hemingway, Woody Allen, Al Capone, a yega na
e cocktail aki. “Giovanni Bellini tabata un di e pintornan
faborito di sr. Cipriani. E color di e cocktail ta record’e di
un pintura di e artista Bellini mustrando un santo bisti un
toga ros”, asina sr. Sabino ta conta.
E cocktail tin peach blanco den dje, cu nan ta busca spe-
cialmente na Merca y asina mescla cu entre otro prosecco.