Page 18 - BNDIA ARUBA

A18 DEPORTE
Diamars 27 maart 2018

Prome campeonato di Aruba Karate Bond

ORANJESTAD - Recientemente a tuma luga e 1e
campeonato di Aruba Karate Bond (AKB) na Compleho
Deportivo Frans Figaroa.

E campeonato tabata uno exitoso cu participacion di e scol-
nan di karate; Dojo Konishi, Dojo Shoshinkai, Shotokai Aru-
ba Dojo Shocokan, Dojo Gyoseki kan, Dojo Shibumi, Dojo
Makotokan y Aruba Karate Institute. Un total di 55 karateka
a participa den 16 diferente categoria, segun nan comunicado.

E campeonato -e biaha aki- a ranca sali cu e karatekanan di e
grado di mas halto kendenan a presenta prome. Karateknan di
faha bruin a haci nan maximo esfuerzo dilanti di e refereenan
local y dos referee internacional, esta ‘Sensei’ Yanis Venizelos
Collado di Venezuela y ‘Sensei’ Kenneth Gaari di Corsou. Na
mes momento, e karatekanan di faha bruin a presenta dilan-
ti diferente representante di COA y ASU tambe. Cada uno
mester a demostra un bon dominio di nan tecnica, concen-
tracion y precision.

Despues a sigui avanza cu e otro categorianan segun nan re-
spectivo grado y edad. Publico presente a goza di varios bunita
‘kata’ (combate imaginario tecnico). Aki aya tabata tin algun
grito y bulamento durante di e combatenan cu tabata intenso.
Durante henter e campeonato, e dos referee internacional,
esta ‘Sensei’ Yanis Venizelos Collado di Venezuela y ‘Sensei’
Kenneth Gaari di Corsow a yuda den instruccion di nos ref-
ereenan local. Esaki tabata un oportunidad pa asina eleva -mas
aun- e nivel di nos propio refereenan y instructornan di ka-
rate, e comunicado ta finalisa.