Page 30 - KPA
P. 30
Polis a detene agresor cu a bati y skop victima den cabez
banda di American Bar
Wednesday, 14 June 2017 09:02
Comparti
Diaranson mainta trempan a surgi un pelea dilanti un bar riba Caya Capt. Rodger. Un of mas conoci di
polis a bati un homber malamente y a hasta skop e victima den cabez. Esaki lo mester a pasa despues di
un intercambio di palabra dilanti un bar cu tabata sera e momento ey net despues di 6or.
Un agresor a core bay na pia mientras algun ciudadano a core bay su tras. E agresor a core lagando e
victima masculino riba vloer benta ta sangra casi for di tino. Algun muher di bar cu a lanta dor di e
desordo a bin yuda e victima cu tabata benta abou na suela y a bati alarma cerca polis. Un rato despues
polis a logra topa cu e conoci di nan yama Brandon den hanchi di otro bar. A bay over na detene y hibe
warda di San Nicolas. El a risiti basta prome cu el a logra sali for di e dogcatcher. Falta un di dos agresor
pa keda deteni. E victima ta un hende cu ta traha na un casino local.
