Page 32 - KPA
P. 32
Ladronnan a wordo stroba pa bay cu 17 airco di AMC Unicon
na Dakota
Wednesday, 14 June 2017 08:59
Comparti
Diaranzon mainta ladronnan a purba horta un total di 17 airco nobo nobo. Esaki tabata di AMC Unicon
cu nan deposito den Tomatenstraat. E seguridad di e negoshi durante patruya a topa cu e ladronnan den
accion. Riba e tererno habri cu tin den Dakota tin un trailer. E trailer ta pega cu e muraya di e negoshi.
Eynan e ladronnan a bula y djey drenta den e deposito y horta 17 airco. Cu faha special tabata mara esaki
y pasa nan over di muraya. Parce net nan tabata cla pa huy y nan a wordo descubri. Dos ladron e security
a mira. E ladronnan a cuminsa mande cu baranca pero el a bati alarma pa Polis bin. E dos ladronnan a
core bay na pia. Nan mester tabata tin un auto eybanda ta standby pa asina bin busca e airconan. Tur e
keda scondi den e trailer. Polis a tuma datos di tur cos. E security a keda vigila e situacion. Esnan
responsabel pa e negoshi tambe a wordo avisa pa presenta na e sitio. Awor pa Evita algo asina mester
move e trailer for di e sitio.
