Page 78 - KPA
P. 78
Contrario na locual opositornan politico ta bisa, Pais Aruba si
tin sistema di radar
Tuesday, 13 June 2017 17:23
Comparti
Pa varios aña caba, algun opositornan politico ta hibando un campaña di mentira, bisando cu Aruba no
ta dispone di un sistema di radar cu ta cuida nos fronteranan. Pais Aruba tin un sistema di radar cu ta
funcionando perfectamente y di e forma aki ta yuda nos combati botonan ilegal cu ta drenta nos awanan
teritorial.
E sistema di radar aki ta den man di Kustwacht steunpunt Aruba kende tin lasonan estrecho cu
miembronan di Cuerpo Policial. Tin un cantidad di polis di cuerpo policial kende ta certifica como
miembronan di un team special, asina yama Boarding Team, kende ta trahando hunto cu Kustwacht di
Aruba den e tarea dificil aki, esta di cuida nos fronteranan for di posibel contrabandanan. Esaki ta e
esfuerso cu ministerio di husticia a percura pe, esta e ‘samenwerking’, cual ta e lasonan estrecho di dos
diferente departamento cu hunto ta trahando cu e mesun meta den comun. E lasonan ta asina estrecho
cu hasta ora Aruba tin mester di e helicopter di Kustwacht, esaki ta wordo uza. Pesey nos ta contento cu
Hefe di Steunpunt Kustwacht Aruba Randy Paskel y tambe Alto Comisario di Polis Adolfo “ Dolfi “
Richardson di Cuerpo Policial Aruba , ta trahando hunto cu otro, contrario na pasado caminda bou
signatura di gobierno anterior esaki no tawata posibel, pasobra a prefera di desgaba ambos
departamento publicamente, pa despues crea nan propio grupo. Di e forma aki a crea IASA, caminda cu
tawata tin hende den servicio y cu no tawata huramenta. Bou di e departamento aki di IASA a bin cu un
otro sistema di radar, cual tawata wordo opera pa personal cu no tawata huramenta pa haci esaki. E cos a
empeora na momento cu Hulanda a constata varios iregularidad y pa cual motibo Hulanda a dicidi cu ta
saca e radar di IASA for di circulacion. Ainda despues di e decision aki di Hulanda, e minister di husticia
di e tempo ey a haci un intento di bende Hulanda un 6 pa un 9, door di manda e sistema di radar pa
Cuerpo Policial, caminda cu si tin personal huramenta, pero e intento aki di e ex-minister a fracasa.
