Page 81 - KPA

Ta un promedio di un 50 pa 60 hoben ta bin acerca di locual ta e hobennan cu
ta cay cera dus tin e recidivista, pero tin e first offendernan tambe, cual tambe
ta un promedio di 50 pa 60. Esey kiermen cu tin un fluho di hobennan cu ta

prome biaha cu nan ta cay cera. Y si no haci nada cu e hobennan aki, nan lo bin
bek.

Sra. Pemberton a splica cu e crimen a bira mas pisa bou di e hobennan.

Delitonan cu no tabata cay bou di hobennan, posesion di arma, maltrato severo,
posesion di droga, tabata delitonan cu tabata cay bou di adultonan.

Aworaki tin hobennan di 14 aña cu Reclassering ta haya cu toch ta un edad
basta jong. Esun mas jong cu nan a yega di haya, tabata di 11 aña y Sra.

Pemberton ta haya cu mester cuminsa duna atencion toch na e grupo aki.

E prome baiah cu un hoben cay cera, mayoria biaha ta pa un delito leve. Y si e
no a haya e atencion debido, nan lo keda cay cera. Tin hobennan cu ta cay cera

dos pa tres biaha pa aña.

Reclassering ta na altura di e circumstancianan, pero lamentablemente, no por
dunanan e guia y sosten necesario. Pa dunanan esey, mester tin e medio y e
personal pa haci esaki. Pero Reclassering no tin esey.

Un hoben no ta analisa su desaroyo, esey ta Reclassering ta haci esey. Y e por

ta hopi varia. Locual cu a cuminsa ripara, ta cu un hoben tin diferente
problema. Antes tabata haya un hoben cu tabata huma droga so, of e situacion

na cas ta instabiel. Pero aworaki ta haya un combinacion di e diferente
problemanan bou di un hoben. Y esey ta pone cu cada biaha e ta cay cera.

Sra. Pemberton a duna como ehempel, cu un hoben ta huma droga, su
situacion na cas ta hopi instabiel, e ta cana cu amigonan problematico y su nivel

intelectual ta hopi abao. Dus un combinacion di diferente factornan ta haci y
mas factornan bo tin, mas instabiel y mas hoben di riesgo e hoben ta. Esey ta

pone cu e ta keda cay cera constantemente.