Page 20 - AM220212

20|Diasabra, 12 di Februari 2022

UN SNECHI DI PALABRA DI DIOS

VI DIADOMINGO DEN AÑA 13.02.22 #350

I lectura: Yer 17, 5-8 Salmo 1 II lectura: 1Cor 15, 12.16-20 Evangelio: Lc 6, 17.20-26

Den e tempo aya Hesus a baha for di sero bay un poco mas
abou, riba un luga plat caminda tabatin un grupo grandi di
discipel.
Ey tabatin tambe un multitud grandi di hende for di henter
region di Hudea, Herusalem, y di e ciudadnan di costa, Sidon
y Tiro. Hesus a fiha su bista riba su discipelnan y a bisa: “Feliz
ta boso cu ta pober, reino di Dios ta pa boso.
Feliz ta boso cu tin hamber aworaki; boso lo hari. Feliz ta boso
ora hende odia boso, rechasa boso, zundra y papia malo di
boso, pa motibo di e Yiu di hende. Ora e cosnan aki pasa,
salta di alegria; den shelo tin un recompensa grandi pa boso.
No ta asina mes nan antepasadonan a trata e profetanan?
Ma ay di boso cu ta rico, ya boso a haya boso consuelo! Ay
di boso cu ta cana cu bariga yen, boso lo pasa hamber! Ay di
boso cu aworaki ta hari, boso lo bisti rouw y yora! Ay di boso,
ora tur hende ta papia bon di boso, pasobra ta asina mes nan
antepasadonan tabata papia di e profetanan falso!”

Palabra di Señor.

MENSAHE

Di un forma natural cada ser humano ta desea y busca feli-
cidad. Pa medio di evangelio di awe Hesus mes ta indica e
caminda di felicidad berdadero. Pero su palabranan ta parce
incomprendibel, controversial y sin logica humano.
Segun nos concepto di felicidad, hende felis ta esnan cu tin lo
esencial pa biba, no ta pasa hamber, ni tin falta di e otro ne-
cesidadnan, no ta yora, ni sufri.... Den cambio Hesus ta bisa:
‘felis esnan cu tin hamber, cu ta yora, cu ta rechasa, odia...’
Ora nos ta lesa bienaventuransanan mas tanto nos ta concen-
tra riba anuncio di felicidad. Apesar di expresionnan dificil y
fuerte nos ta trata haya den bienaventuransanan motivacion
y confirmacion riba nos caminda cristian. Pero nos no por des-
cuida cu Hesus tambe ta papia riba maldicion: “Ay di boso...”
Ta un drama ora hende ta busca reconocimiento, placer y tur
forma pa disfruta di e cosnan material, corporal, pasahero y
no ta pone atencion riba rikesanan spiritual. Tal hende Hesus
ta bisa: ‘Ya boso a haya boso recompensa’. Pero feliz esnan
cu ta pober, no pasobra nan pobresa ta haci nan feliz, sino pa
motibo cu nan curason no ta depende di cosnan material. Fe-
liz esnan cu ta pasa hamber pasobra nan ta comparti cumin- ORACION

da cu otro. Feliz ta esnan cu ta wanta cu pasenshi y valentia Señor! Guia mi riba caminda di felicidad
tur sorto di critica y burla pa motibo di nan fe, pasobra asina berdadero y duradero.
nan fe lo keda proba. Pero ay di esnan cu henter nan bida a Haci mi participe di felicidad eterno.
busca placer, acumula biennan material, anto nan curason ta
keda bashi. Esey ta un tristesa.
Mara nos curason por keda yena cu amor pa Dios y nos pro- PROPOSITO

himo y di manera aki sinti un goso y felicidad interno, prac- Haci un reflexion di evaluacion di expe-
ticando obranan di caridad. Un felicidad cu ta fruta di bon riencianan cu ta provoca bo goso di pla-
obranan y preambulo di felicidad berdadero y eterno. cer mundano y goso spiritual.