Page 57 - MIN ARENDS

Gabinete Mike Eman II a entrega retiro

na Gobernador Boekhoudt

Posted on 09/21/2017 3:19 pm AST | Updated on 09/21/2017 4:11 pm AST

ORANJESTAD – Gabinete Mike Eman 2 a entrega su retiro na gabinete di
Gobernador Alfonso Boekhoudt. “A entrega retiro di tur minister” director di
gabinete di gobernador Rajen Budhu Lall confirma esaki na prensa diahuebs
atardi. E entrega ta relaciona cu e hecho cu tin eleccion un dia despues. Cu e retiro
aki, gabinete Mike Eman II a bira demisionario.

FORMACION DI GOBIERNO

Asina cu e eleccion termina, lo sigui e proceso di formacion di un gobierno, pa cual lo tin
e prome combersacion diasabra mainta entre e presidente di Conseho Supremo Electoral
y Gobernador mes. Ta sigui e ronda di combersacion dialuna siguiente durante cual
Gobernador lo informa su mes riba e topiconan. Dado momento lo apunta un informador
y despues un formador cu tin e tarea pa dentro di un periodo stipula, forma e proximo
gobierno di Aruba.