Page 59 - MIN ARENDS

Prome Minister di Aruba Mike Eman a tene su discurso nacional un par di ora prome cu

pueblo di Aruba ta bay vota den un eleccion hopi crucial pa pais Aruba. Tabata un

discurso unda Eman a mira bek y a wak padilanti.

“Mayan pueblo di Aruba ta bay haci uzo di e derecho mas sagrado cu e tin. Di dicidi riba

su propio destino.” Eman a repasa e trabounan grandi cu a wordo haci durante e ultimo

ocho añanan door di su Gabinete. Hunto y a base di propio forsa di e pais y su hendenan

por a transforma situacionnan sumamente dificil di un crisis hereda na 2009, un

desempleo grandi, un pais den deterioro y cu poco perspectiva, cu perdida di un refineria,

di aeroliñanan y cruceronan importante, un pais den un berdadero situacion di crisis den

un pais cu perspectiva. “E animo cu cual nos a drenta gobierno tabata grandi, e apoyo di e

pueblo tabata grandi y nos a drenta cu un proposito: di bay sirbi pueblo y pais. Pa saca

Aruba padilanti y pa asina nos por bisa cu Aruba a surpasa un di e pio crisisnan cu nos a

conoce desde ciere di e refineria na añanan 80 y atrobe na 2009 na mes momento cu
mundo a wordo azota pa un crisis financiero grandi cu a bay man den man cu perdida

grandi di entrada pa nos comunidad.”

“Pero hunto nos a traha duro. Nos a lora maga di caminsa y a traha di dia y anochi. Nos a

drenta barionan, bishita scolnan y a restaura un centro di gobernacion cu tabata
completamente decai. “Eman a conta con a traha duro pa renoba centronan di ciudad y

infrastructura. A saca un man pa yuda esnan di menos recurso riba varios tereno. A trece

partnernan social hunto y a rescata fondonan di pensioen. ruba y gobierno a marcha

padilanti. Gobierno a pone pueblo y pais na prome lugar y a saca un man a esnan

vulnerabel y a crea oportunidadnan nobo pa e hobennan, e futuro di e pais aki. “Nos ta

cla pa haci esaki atrobe den e periodo di gobernacion nos dilanti. Aruba ta cla y prepara

pasobra su base ta fuerte, un base cu hunto nos a pone.”