Page 29 - AM250129

Diaranson, 29 Januari 2025 AWEMainta COMUNIDAD 29

Cu e tema “The Influencer Teacher”,

IPA ta invita Aruba pa nan open

dag diasabra 1 di februari 2025

DIASABRA dia prome di februari, Instituto Pedagogico
Arubano, IPA ta bay tin nan Open Dag 2025. Prome Minister
Evelyn Wever-Croes ta tuma e oportunidad pa invita tur

esnan interesa den un carera den enseñansa y Aruba en
general, pa asisti n’e Open Dag di IPA cual tin e tema “The
Influencer Teacher”. Esaki lo tuma luga diasabra 1 di februari
di 10:30am - 1:30pm na IPA na San Nicolas.

Riba e dia aki IPA ta habri su portanan pa tur persona cu kier
descubri mas di e rol crucial y e influencia grandi di maestro
den enseñansa. IPA ta desea pa tur hende cu tin e pasion pa

bira maestro, bin combersa cu nan laga nan inspira bo.

Durante e open dag IPA lo duna informacion di diferente
estudio y e bishitantenan lo por participa activamente na

actividad cu e docentenan di IPA di diferente area di forma-
cion. Pa mas informacion encuanto e open dag y di IPA en
general bishita: www.ipaaruba.com.

“Mi ta invita henter comunidad di Aruba, specialmente tur
persona cu ta interesa pa haci un carera den enseñansa,
pa asisti n’e open dag interesante y importante aki dia 1 di
februari proximo. Marca e fecha den bo calendario y probecha

di e oportunidad pa haya tur informacion personalmente”,
Prome Minister a expresa.