Page 31 - AM250129
P. 31
Diaranson, 29 Januari 2025 AWEMainta COMUNIDAD 31
Aruba Lions Club cu otro actividad di salud
ULTIMO tempo tin hopi interes pa cu esnan den
necesidad pa bishita dokter of haci controlnan
medico y esaki mirando e gran cantidad di
hendenan riba lista di espera ta bira dificil pa
por ricibi un cita medico pa un control.
Diasabra ultimo Aruba Lions Club un di e clubnan
di servicio mas bieu riba nos isla un biaha mas a
presenta un bunita proyecto pa asina cumpli cu
nan meta di yuda comunidad.
E biaha aki a organisa manera custumber e
famoso “Healt Fair” pero e biaha aki esaki a
tuma luga den e districto di San Nicolas na St.
Augustinus College.
For di oranan trempan di mainta e prepara-
cionnan a cuminsa p’e miembronan di Aruba
Lions Club pa asina cuminsa ricibi e prome bishi-
tantenan cu for di 8or di mainta por a cuminsa
registra y mientras ta warda turno nan por a
disfruta di algun cos di come saludabel y fruta,
hunto cu un te, koffie of juice.
E actividad a dura te cu 12or di merdia caminda
un gran cantidad di ciudadanonan a wordo yuda.
Den e dia di control di salud aki por a haci e
controlnan di entre otro: wowo, oido, djente,
control di pecho y esun mas bishita e seccion
di control di sanger caminda ta tuma midi
di haltura, peso, check sanger pa colesterol
y diabetes y despues ta ricibi un conseho di
dokternan presente.
Hopi comentario positivo di e bishitantenan cu a
keda masha gradicido p’e oportunidad cu nan a
ricibi y hopi a pidi pa por ripiti esaki den futuro.
Aruba Lions Club kier a gradici sigur tur cu a
yuda den esaki manera, Mary-Joan Foundation,
FEPOH y Quota, Aruba Vision Center, Techno
Dent cu e smile mobil y sigur Xavier University
cu ta manera un organisacion ruman di Aruba
Lions Club cu semper ta yuda cu un cantidad
di studiante y dokternan pa haci e evento aki
posibel.
Tambe ta gradici St. Augustinus College cu a
pone e school disponibel y tur miembronan di
Aruba Lions Club, LEO Club y otro boluntario cu
a duna un man den e proyecto aki.
