Page 24 - 26Jan23

PAGINA 24 DIARIO DIAHUEBS 26 JANUARI 2023
Un biaha mas a goza hopi di actividad
di Dia di Betico na Kas Ariba

ORANJESTAD (AAN): Diaranzon riba Dia di Betico, un bia-
ha mas multitud di publico a yega na Kas Ariba pa asina mira
e actividadnan di Dia di Betico.
Don Flip Racing Team un biaha mas a pone un evento hopi
atractivo pa publico pa asina goza di e dia aki, cu diferente
wega popular, cu bar y cushina bon surti.
Muchanan a goza un mundo, y a ricibi apoyo di mayornan
den diferente competencia. Bo ta mira cu awendia hobennan
ta hopi mas agil den competencia, y sigur esaki ta un empuhe
pa nan sigui enfoca nan mes den actividadnan competitivo.
Pabien un biaha mas na e organizadornan di e fabuloso
eventonan na Kas Ariba.