Page 8 - AM

8 AWEMainta Diabierna, 31 Juli 2015

Minister Mike de Meza
ta invita hobennan pa
participa durante di Siman
di Energia Sostenibel 2015

MINISTER di Asuntonan Economico, Energia, Utilidad

y Medio Ambiente, ing Mike de Meza durante di e con-
ferencia di prensa diaranson na Aruba Marriott Resort
unda a lansa ‹Aruba Sustainable Energy Week› a subraya
e importancia pa hobennan studiante y hobennan pro-
fesional pa participa n›e Conferencia di Green Aruba VI.

E dos conferencianan ta parti di Siman di Energia Sos-
tenibel, durante cual ta tuma lugar Aruba Learning Event
(dianan 26 y 27 di oktober), Green Aruba VI (dianan 27
y 28 di oktober), reunion di ECLAC rib›e topico eficiencia
di energia (oktober 29 y 30) y reunion di comision di
“Minas y Energia” di Parlatino (oktober 30 y 31).

E mandatario a comenta cu tin hopi avanse den e area
di energia sostenibel na Aruba, pero semper Aruba por
siña di otronan y otro por siña di Aruba.
Pa medio di plataformanan manera Aruba Learning
Event y Green Aruba, Aruba ta atrae e expertonan,
desaroyadornan y ingenieronan di tur area di energia
sostenibel pa yuda nos companianan di utilidad den e
trayectoria pa bira 100% sostenibel pa cu produccion di
coriente y awa potabel pa aña 2020.

Minister de Meza a remarca e participacion activo di
partnernan strategico manera TNO Caribbean, Carbon
War Room/Rocky Mountain Institute, CARICOM, «USA
Department of Energy», Clinton Climate Initiative y
e instituto reconoci pa Nacionnan Uni, esta IRENA
(International Renewal Energy Agency), ta atrea Go-
biernonan y companianan di utilidad di otro islanan cu
tin e mesun bentahanan, pero tambe e mesun posibel
retonan cu Aruba por confronta den implementacion di
tecnologianan di energia sostenibel.