Page 21 - Djasabra 28 yuli 2018.pdf

Djasabra 28 Yüli 2018 21

Oscar de Leon riba Tafelberg....
Nos no por keda sin menshoná ku Oscar de Leon ku a presentá dos
siman pasá na Kòrsou, a presentá riba Tafelberg tambe. Tafelberg no ta
un lugá aksesibel pa públiko por bishitá. Pero tabata un organisashon
gigantesko ku a hala un públiko inmenso i hopi por a mira Tafelberg
mas di aserka e tempu ei.
Tafelberg ta konosí pa piedranan di marmer, e tin santu ku ta keda
usa pa konstrukshon na Kòrsou. Rònt Kòrsou por mira barankanan
grandi, gigantesko di piedranan. Segun e splikashon di nos guia Emlyn,
ta diferente sunami ku a surgi debí na skrufmentu di tera a sòru pa e
piedranan. Meskos ku Kòrsou tabata konsistí di dos parti esta pariba
i pabou i ora nivel di awa a baha el a bira un isla ku ta Kòrsou. Den e
área di Ostpùnt tin masha hopi buriku ku por sierto ta e animal di mas
grandi ku ta kana rònt den naturalesa di Kòrsou. Kaminda tin buriku
mester haña awa pasobra buriku ta gusta awa. Na Ostpùnt tin un asina
yamá baño di buriku.
Inglesnan...
E inglesnan ku tambe a poderá di Kòrsou un tempu tabata interesá
solamente den fòsfat. Ta diferente sitio na Kòrsou tabatin fòsfat i p’esei
e tempu ei a konosé e fòsfat trein (siglo 19). E sushi di para tambe ántes
tabata forma un reakshon riba Tafelberg.
Leyenda; Kòrsou ku su awa kurativo....

I si...Kòrsou tin laguna. Un laguna ta un awa mei mei di un ref ku
tera firme. E koló turkuas ta indiká e profundidat i kalidat di awa di
Kòrsou. Por a tende diferente biaha ku turistanan ta bisa ku e santu di
Kòrsou no ta manera esun di otro islanan i esei ta bèrdat. E kalidat di
awa di Kòrsou ta asta kurativo. E piedranan ta hasi e awa ekselente
i por sinti e diferensia ora landa na otro isla. Ora landa na otro isla i
landa na Kòrsou por sinti e awa fresku i limpi.
I p’esei ántes bieunan tabata hinka pia
den awa i e piedranan ta primi e sierto
puntanan pa kita nan doló i malunan.
Semènt di Kòrsou tambe ta keda traha aki
na Ostpùnt. Kaminda tin asta un fòrnu
di kalki antiguo. Un bista fenomenal di
Fuikbaai. Un bahia ku tur luna di yanüari
tin e Fuikdag kaminda botonan ta bai
einan a henter un dia

I asina aki nos ta mustra riba e promé
parti di kon bunita Kòrsou ta. Kòrsou ta
bunita, bunita mes asina Emlyn a terminá
e parti aki. Otro siman nos lo enfatisá mas
riba e parti di arkitektura ingles eskoses
na Ostpùnt.

piedra ku kristal marmer

bista di Spaanse Water