Page 39 - MIN ARENDS

Cuater lider politico a sigura nan presencia den e debate
politico di Camara di Comercio diahuebs awor

Monday, 05 June 2017 21:36
Comparti

Nos ta algun dia leu di un debate cu practicamente 100% di Aruba ta pendiente p'e. E ta e debate politico prome cu
eleccion 2017, dia 22 di September, organisa pa Camara di Comercio. Tabata tin un conferencia di prensa hunto cu
representantenan di Camara di Comercio y tambe tabata tey varios lider politico cu tabata presente.

E representantenan cu tabata tey tabata UPP, PPA, RED Democratico, partido MAS y e partidonan cu no tabata tey,
ta AVP MIke Eman, Evelyn Wever-Croes di MEP y tambe Otmar Oduber di partido POR. E tresnan aki no tabata tey
presente.

Camara di Comercio cla

Ernst Mohamed, kende ta presidente di Camara di Comercio, a splica cu tur cos ta cla pa e debate. Marriott Ballroom
lo bay ta e luga di e debate y Camara di Comercio ta full cla. E lidernan presente durante e conferencia di prensa a
presencia y a pone nan palabra pakico tur hende mester bin mira e debate. Camara di Comercio a duna pakico ta
haci'e y ta cla pa cuminsa cu e debate dia 8 di Juni, cuminsando pa 7'or y mey en punto.

Carchi

Esnan cu no tin carchi ainda, por bay na Stadionweg 11 of via facebook, ordo na Oruba Vision y nan ta haya nan
carchi. Si nan cumpra den grupo 10 carchi of mas, nan ta haya tur carchi e ora na 75 florin. Studiantenan cu a haci
hopi peticion pa wak'e tambe, a baha e prijs te na 70 florin y esnan cu ta 60+, nan ta hay'e tambe pa 70 florin.

"What you see is what you get"

Booshi Wever, di partido UPP, no ta un politico desconoci. E tabata minister y parlamentario. E ta conta un tiki kico
ta spera di dje, dia 8 di Juni. Loke cu semper ta mira di Booshi, ta "What you see is what you get". UPP ta bay mustra
con importante ta pa vota pa programa y no vota ken ta haci e carnaval mas bunita of ken ta bira e reina di Carnaval.
Eleccion ta algo serio y segun Wever, unico manera cu por haci un bon desicion ta wak e hendenan naturalmente.
Mester confia esunnan cu tey. Wever tin su trayectoria y nan tin nan programa cu den nan concepto cu si no ta e
miho, ta un di e mihonan y ta spera cu pueblo di Aruba tuma nan tempo pa scucha, pero tambe despues lesa e
programa di UPP y tuma un bon decision dia 22 di September.

Politiconan mester ta mas sincero

Loke cu por spera di Holmo Henriquez, lider di partido MAS, ta tur sinceridad den locual cu ta bay trece dilanti.
Henriquez ta spera si, cu e minuutnan limita eynan cu a haya cu pueblo por haya e mensahe debido pa compronde
na unda cu mester bay, pasobra no por sigui haci wega y cu fanfaria asina aki. Politiconan mester ta mas sincero cu
pueblo y pa añanan caba di gobernacion, por a mira cu e sinceridad den nos politiconan no tabata na su luga. MAS ta
bin cu bon plan. Nan tin e sosten necesario pa por ehecuta e plannan aki na e miho interes di nos pueblo. Asina ey