Page 44 - MIN ARENDS

Despues di 30 aña a logra pone tur parti di trayecto
presupuestario manera mester ta

Monday, 05 June 2017 18:32
Comparti

E aña ta bula y presupuesto mester ta den preparacion caba. Minister di finansas, Angel Bermudez a
splica cu aña pasa, despues di 30 aña a logra di pone tur parti di e trayecto presupuestario riba caminda,
manera mester ta, a base di e ley di contabilidad. Esey kiermen cu e presupuesto mester ta na tempo.

Ora cu aña habri e mester ta formalisa. Na caminda si mester haci cambio, mester entrega e presupuesto
supletorio na tempo. Tin tambe e cuenta cu tin cu duna e presupuesto di e aña anterior, cu ta e cuenta
anual, tambe mester wordo presenta na tempo y fuera di esey cu tin cu raporta cada kwartaal na
Parlamento. Eseynan tur ta canando. E raportahe di e prome kwartaal a wordo haci y rapportnan a
wordo manda. Ta wardando riba cualkier reaccion cu por bin di e parti di colegio di supervision. Manera
e LAFT ta bisa riba e prome raportahe aki. Presupuesto 2018 ta den preparacion. Mescos cu e
preparacion di e cuenta anual, riba termino corto mester wordo entrega na Algemene Rekenkamer pa
nan cuminsa cu control di aña pasa. Tur cos ta canando, ban pone asina, segun e minister. Con balansa
Minister Bermudez a splica cu e ta un presupuesto pa otro aña. Lo tin eleccion na fin di September aki.

Un presupuesto cu ta wordo composita pa un Gobierno nobo, tin cu wordo haci cu un margen hopi
grandi pa cualkier Gobierno nobo cu sinta por e ora ey inclui den dje, por medio di un presupuesto
supletorio. Su manera cu e ta premira pa 2018. E ta bay bira un beleidsarme begroting. Pero pa mantene
e secuencia di e fechanan fatal cu tin den ley di contabilidad, mester trece na tempo y lo haci esaki tambe,
pero cu cierto margennan amplio pa asina cu cualkier Gobierno cu sinta despues di eleccion, por adapte
na su maneho cu lo anuncia e ora a base di su programa di gobernacion pa 2018 y mas despues. Entrega
na tempo of no Presupuesto 2018 lo wordo entrega na tempo prome cu eleccion. Segun minister
Bermudez ta haciendo tur su esfuerso pa mantene e racha cu a inicia aña pasa pa cumpli cu e ley di
contabilidad. Antes esey no tabata asina. E minister a splica cu e no ta participa den eleccion, e no ta riba
lista. E ta sigui haci su trabao y no ta wak te dia 22 di September. E ta wak te dia 31 di December. Loke
tin cu sosode e ta entama of percura pa e wordo realisa.