Page 49 - MIN ARENDS

Leonardo da Silva: Vivienda ta e sector cu hende mas ta gasta
aden

Monday, 05 June 2017 18:36
Comparti

E macutu, di cual Oficina Central di Estadistica ta referi den nan boletinnan mensual, ta wordo parti den
12 sector. E ta consisti di cuminda y bebida no alcoholico. Esey ta mayoria biaha bo ta cumpra den
supermercado, segun Leonardo da Silva, hefe di business statistics di Oficina Central di Estadistica.

Bebibanan alcoholico, productonan di tabaco, tambe ta haya na supermercado mayoria biaha. E otro
sectornan ta Paña y sapato, vivienda, mobilario, salud, transporte, comunicacion, recreacion y cultura,
educacion, restaurant y hotel y restante bienes y servicionan. Si mira bon cada un di e sectornan aki tin
cu bay parti nan den e productonan cu tin cu bay monitoria. E ora ta papia di hopi producto. Hopi biaha,
ora hende bisa pa papia cu prijsnan ta subi y nan no ta nota cu CBS ta publica cu prijs a subi, mas bien
prijs a baha. Pero esey hopi biaha nan no ta tene cuenta cu e sectornan cu tambe tin cambio di prijs. Por
ehempel si cuminda y bebida no alcoholico en berdad ta subi, pero no asina hopi pa causa cu e resto di e
demas sectornan, no ta nota e inflacion aki na e totale inflatie cijfer. Si bay wak'e pa sector, por bay wak si
tin caida of subida. E cifra total, toch no tin caida. Cada un di e sectornan aki tin su propio peso.

Si wak bon, vivienda ta esun cu ta sector cu tin mas unda hende ta gasta nan placa. Por bisa un 25% di
loke hende ta gasta, ta cay bao di vivienda. Vivienda tin di haber cu e huur di vivienda, mantencion y
reparacion, suministro di awa, electricidad y gas. Eseynan ta e gastonan mas grandi cu tin. Loke ta
cuminda mes, esta cuminda cumpra pa consumi na cas, ta rond di 19%. Si wak bon, vivienda ta 1/4 di e
gastonan y cuminda mes ta rond di 19 of 20%. Toch e ta menos. Coriente, si wak'e separa, ta 7.5%. Si tin
100 florin, 7.50 ta bay na coriente. Awa ta 5%. Huur lo tabata un 8.5%. Si conta nan hunto, incluyendo
mantencion, e ta bin rond di 25 florin, di e 100 cu bo tin pa gasta. Si mira cuminda su so ta 9% y
bebidanan no alcoholico ta 1.6%. Esey ta yega rond di 11% of 11 florin gasta. Gasolin y diesel tambe ta un
gasto basta grandi. 8.40 ta bay na gasolin, si wak'e for di un promedio di 100. 8% ta bay na e producto
aki, segun Leonardo da Silva. Si mira bon, e sectornan mas principal, cu ta gasta mas placa, ta vivienda,
despues ta bin transporte y di tres ta cuminda y bebida no alcoholico, pa consumi na cas. Cuminda
cumpra pafo di cas, ta un otro sector. Esey ta cay bao di restaurant. Esey ta ongeveer 3.7% di loke ta gasta
ta bay eynan y y no ta cay den e top 3nan, da Silva a conclui.