Page 55 - MIN ARENDS

Mervin Wyatt-Ras: Ley di creche y e fondo di ensenjanza a
keda aproba unanime den Reunion Publico

Monday, 05 June 2017 17:25
Comparti

Dialuna den presencia di minister di Ensenjanza, sra. Michelle Hooyboer-Winklaar a keda aproba
unanimamente dos ley importante cualnan ta e ley di Centronan di Cuido y e Fondo di Ensenjanza. E ley
di Centronan di cuido ta reglamenta tur e localidadnan cu ta encarga cu acohida y cuido di muchanan
desde 6 siman naci te cu edad na final di skol basico.

Aki cada un di e centronan aki mester pidi vergunning y mester duna cierto informacion standaard pa
por bin na remarca pa e permiso. Aki tin cu describi identidad, antecedente di esun cu ta pidi permiso.
Tambe statuto di e fundacion, seguronan, declaracion di buena conducta y di salud. Dentro di 12 siman
minister lo mester duna contesta ariba e peticion. Den caso permiso ser otorga lo bai over alabez na
agrega e centro den e registro. Tin reglanan pa garantisa calidad di e centronan. Tin reglanan pa cuanto
leidster ariba cuanto mucha. P.e. Un leidster pa 6 mucha di edad di seis siman te un anja, un leidster riba
8 mucha den edad di un te cu 2 anja, un lider riba 10 mucha di edad si 2 pa 3 mucha.

Un lider riba 12 mucha di edad di 3 pa 4 anja. Un lider riba 14 mucha di edad di 4 te 6 anja. Un lider riba
16 mucha di edad di 6 anja. Pa loke ta e fondo di ensenjanza lo bai ubica e suma pa diferente proyecto
importante di ensenjanza. Ta trata un cambio di mas o menos 6.6 miyon. Esaki den cuadro di tercer
tranche di e di 10 fondo di desaroyo Europeo. Finalmente ambos ley trata a keda aproba unanimamente
dor di Parlamento. Alavez un mocion entrega dor di fraccion di Avp a ser aproba unanimamente. E
mocion a encera pa haci un estudio di posibilidadnan di co-financiamento (subsidio directo, reduccion
fiscal) via gobierno y donjonan di trabou.