Page 56 - MIN ARENDS

Minister Angel Bermudez ta splica con ta bayendo cu e
presupuesto 2017

Monday, 05 June 2017 18:32
Comparti

Durante entrevista cu minister Angel Bermudez, a puntra con ta bayendo cu su presupuesto 2017. E
prome kwartaal di 2017, den un sentido tabata loke a premira. No ta presupuesta pa kwartaal, pero pa
aña. Sa si cu e ta un reto pa e aña aki, pasobra tin cu bay realisa un deficit mas chikito ainda cu aña pasa,
cu ta un deficit di mas of menos 25 miyon florin.

Tin cu tene cuenta e ora cu crecemento economico, cual tur sa cu ta depende di e actividadnan di e
rehabilitacion di refineria. Falta 7 pa 8 luna pa e por habri. Ainda tin espacio pa realisa e presupuesto
manera cu el a wordo formalisa den Parlamento. Espacio pa traha Minister Bermudez a splica cu nan no
ta bay di presion di CFT. Una bes cu e presupuesto wordo formalisa y el a wordo aproba den Parlamento,
ta esey pa Gobierno ta ley. Loke cu CFT ta haci, e ta supervisa e ehecucion y ta wak cierto momento cu e
ehecucion ta keda den cuadro di e presupuesto. Na momento cu e por tin cualkier impresion of idea cu lo
por bay desvia, e tin su instrumentonan pa asina ey duna un señal cu tin cu bay evalua si esey ta corecto y
tambe evalua e ora con lo por coregi e desvio eynan, segun minister Bermudez. Satisfecho cu entradanan
Ta asina cu di parti di e Refineria, mas y mas ta wordo informa cu ta emplea personanan, pasobra esey ta
crea na e momentonan aki, e entrada eynan.

Ta personanan cu tin cu traha, cu tin cu crea cierto trabao. E trabao ta genera entrada cu cierto momento
ta duna Gobierno mas entrada den loonbelasting, den premie, den BBO. Nan ta riba un liña cu ta
creciendo. E minister ta wordo informa semanalmente door di su colega di Asuntonan Economico, sr.
Richard Arends, y di otro banda di cu percura pa e otro entidadnan economico, cual ta turismo. Tin cu
bisa cu te cu awe, datonan ta indica cu nos ta riba bon caminda, cu ta wordo supervisa y ta wordo
monitorea door di ATA, AHATA. Nan tur tambe ta saca mensualmente nan informacion con ta bayendo.
E minister no tin ningun motibo pa preocupa. Tin cu mantene e maneho di e ultimo añanan. Esta sinta
riba e gastonan y purba di optimalisa e entradanan. Purba di stimula pa tur hende den comunidad
cumpli cu loke tin cu cumpli cune pa loke ta impuesto y pa fin di aña bolbe realisa un presuesto segun el
a wordo aproba y formalisa door di nos Parlamento, e mandatario a splica.