Page 4 - AHATA

Crucero Costa Magica cu bishita pa prome biaha na Aruba

Thursday, 09 March 2017 17:32
Comparti

Aruba Tourism Authority, Aruba Ports Authority, IASA, Directie Scheepvaart Aruba y e agencia SEL
Maduro & Sons tabata e representantenan di e delegacion di Aruba cu orguyosamente a ricibi e 2638
pasaheronan y 948 tripulantenan di e crucero Costa Magica. Mester remarca cu e crucero aki a
‘overnight’ unda e pasaheronan y tripulacion por a disfruta dos dia di nos isla.Ademas, Aruba ta e unico
destinacion unda e lo pasa un anochi den waf. Pa esaki, esnan envolvi di Aruba a organisa un anochi
cultural riba tereno di waf unda a showcase Aruba y su cultura. Costa Magica ta un di e cruceronan mas
grandi cu ta forma parti di e flota di Costa Crociere. Esaki tin un capacidad maximo di 3250 pasaheros y
1068 tripulacion. Diadomingo ultimo, e crucero a mara na nos waf di Oranjestad pa prome biaha despues
di a bishita Guadeloupe y a sigui pa Boneiro su siguiente dia. Durante su prome bishita, e capitan di
Costa Magica, señor Paolo Fusarini, a intercambia plakaat cu e representantenan di e delegacion di
Aruba cu ta consisti di Mario Arends, Cruise Manager na A.T.A., Johnny Martes, Risk manager di Aruba
Ports Authority y tambe Graceo Dunlock, Manager Shopping di SEL Maduro and Sons. Marouska
Heyliger, Visitor Care Liaison na A.T.A., Armand Frank di SEL Maduro and Sons y Carlyle de Coteau di
Directie Scheepvaart Aruba tambe tabata presente pa cu acto ceremonial unda a duna un caluroso
bonbini na e capitan y su tripulacion y pasaheronan di Costa Magica. Aruba Tourism Authority ta
sumamente satisfecho cu e compania operador Costa Crociere a scoge nos isla Aruba como parti di e
islanan atractivo pa bishita na nan pasaheronan abordo di ‘Costa Magica’. Esaki ta demostra cu cada dia
mas liña di crucero ta reconoce Aruba como un destinacion di calidad halto. Cada bishita nobo ta nifica
un impacto positivo riba nos economia local y tin e potencial di un efecto cu ta multiplica riba un termino
largo caminda cada bishitante cu ta conoce nos isla y despues ta conta di tur loke el a wak na famia y
amigonan. E proximo bishita di Costa Magica na nos isla lo ta dia 20 di maart. E aña aki Aruba ta den
liña pa yama bonbini na un total di 750 mil turista crucero na nos destinacion. Esaki ta percura cu riba
cierto fecha Aruba lo tin 3 barco crucero of mas den waf cu ta di bishita riba mesun dia, cu ta significa cu
nos area turisticonan y careteranan lo ta mas druk cu normal.

http://www.24ora.com/index.php?option=com_content&view=article&id=119565:crucero-costa-
magica-cu-bishita-pa-prome-biaha-na-aruba&catid=1:local&Itemid=5