Page 53 - MIN ECEM_Neat

Gobierno ta garantisa trahadonan di
Serlimar cu nan cupo ta keda

- Advertisement -

ORANJESTAD(AAN): Minister Mike de Meza a responsabel pa e dump, esta Medio
Ambiente. E tabata tey presente na un reunion cu tabata tin cu Serlimar y tambe
sindicato. E ta conta cu awe mainta el a worde yama pa un reunion door di sr. Diego de
Cuba di STA, hunto cu señora Magali Brito y tambe sr. Edmundo Marlin di SEPPA y
algun di e shopstewardnan.

E minister tabata kier siguransa y clarificacion cu e trahadonan cu no lo bay perde nan
trabao y nan kier a trece e punto dilanti. Minister Mike de Meza, hunto cu minister
Benny Sevinger di infrastructura, a duna splicacion riba nan preocupacionnan.Ta asina
cu Gobierno no tin ningun intencion cu ningun trahado lo perde su trabao. Gobierno a
hasta garantisa cu e cuponan di trabao ta keda. No tin ningun conflicto laboral. Locual
prome minister y e mes, como minister di medio ambiente, a bisa, cu e actividadnan cu
tin awor aki na Parkietenbos no por gewoon sigui asina eynan, cu tin cu bay sanea
Parkietenbos y crea un espacio, un depot, un luga nobo di operacion y riba e manera
mas sofistica.No por ta asina cu tin un landfill cu tin 30, 40 hasta 50 aña, cu
constantemente tin candela riba dje, constantemente tin diferente escape di diferente
gas cu ta worde forma. Bo ta tira tur sushi den otro, caminda cu bo por tin baterianan
di auto, hunto cu baterianan di cas, hunto cu papel, plastic, cuminda, hasta material di
hospital y material di otro luganan. Tin animalnan morto, tur cos riba un dump, cual no
por. E no ta higienico, no ta bon y e dump eynan ta satura. E ta yen. No tin espacio
mas.Loke tin cu haci ta cuminsa prepara un lugar nobo, cu un tipo di operacion nobo,
cu ta uno mas sostenibel y pa por haci esaki ta haya cu tin cu planea esaki bon y