Page 54 - MIN ECEM_Neat

mester ehecut’e den diferente fase. Tin e fase cortico. Tin e fase mediano y tambe a
largo plazo. Tin cu gewoon cambia for di e tipo di operacion cu tin.E no ta bon. Ya pa 20
aña of mas no tabata bon tampoco. No tin ningun escusa di con el a sigui asina aki,
pero a yega na e momento cu tin cu cambi’e. E no ta facil, e ta costa hopi placa. E no
tin un color politico y e no tin un nomber. E tin nomber di mas cu 100 mil hende cu tur
e turistanan cu ta bin Aruba y e habitantenan di Aruba. Hunto tin cu carg’e, pasobra ta
hunto nos tur ta produci e desperdicionan cu ta bay na e dump eynan y tin cu hunto,
paga p’e tambe.Si nos kier wanta Aruba limpi, tin cu haci’e hunto. Lamentablemente
den pasado ora Gabinete Mike Eman a bin cu e cobransa pa Serlimar, pa e por cumpli
cu su debernan, tabata tin diferente politico y sindicato, cu a bisa pueblo pa no paga.
Ta algo iresponsabel, pasobra awe bo ta mira e resultado di ora cu bo bay afo, core un
campaña pa hende no paga y hende ta keda sin paga.E comportacion di pago ta 10%.
Es decir 90% no ta pagando. E ora Serlimar no tin suficiente entrada pa haci nan
operacion riba un manera responsabel y mas efectivo cu tur tecnologia un tiki mas
avansa tambe. Ta haya situacionnan ey cu ta keda existi. Ta pesey ta bisa cu tin cu
madura den nos pensamento politico tambe, cu ora algo worde introduci, cu tin su
rasonnan. No ta Gobierno di AVP a bin cu e ley. Ta Gobierno di MEP mes a bin cu e ley
aki pa e cobransa. Ora cu Gobierno di AVP a bay pa ehecut’e, e tabata oportunod, door
cu nan ta den oposicion, pa bringa contra e cobransa. Y un cobransa cu nan mes kier a
haci.Sindicalista y politiconan cu a purba di core un campaña negativo, ta dañe pa e
propio pais.A sinta cu nan, a splica nan cu Gobierno ta trahando riba diferente opcion
hunto cu Serlimar y un comision di experto. Una bes cu esaki ta cla, probablemente
nan lo bay tin un reunion fin di luna, pa haya e idea ta kico ta e trabao cu e comision ta
trahando riba dje. Kico ta e direccion cu tin cu bay, Kico ta premira y pa bay den e
direccion ey.

Uno ta sanea e situacion cu tin riba e dump existente y tin un localidad adicional, nobo,
caminda cu e operacion lo mester continua bao di Serlimar.

Dump di Aruba, landfill di Aruba, operacion di Serlimar ta worde ehecuta door di
Serlimar mes. Serlimar ta un compania estatal y semper a para tras di esey y esakinan
ta trabaonan cu tin cu garantisa di e trahadornan mes. Tambe ehecuta e proyectonan
aki hunto cu Serlimar, pa por avansa den e operacion mas efectivo y eficiente y mas
sostenibel tambe.