Page 66 - MIN ECEM_Neat

ORANJESTAD(AAN): Edmundo Marlin di SEPPA tabata tey presente durante e accion di
e trahadonan di Serlimar. El a informa e trahadonan cu e accion a termina y a pidi e
trahadonan pa bay traha back. Pero si a pidi nan pa ta pendiente cu na momento cu tin
informacion na e proposicionnan cu tin di dump, lo informa e trahadonan di esey.

Marlin a sigui splica e reunion mes a bay bon cu Minister de Meza, pasobra e problema
tabata sinta caminda ta worde bisa cu e dump ta cera, nan ta bay desactiva dump y
baha e actividad di sushi eynan. Pero den un protocol cu a firma na December, ta para
den punto number 6, cu cualkier plan y cualkier accion cu lo bay tuma na dump, tin cu
sinta cu gerencia di Serlimar, hunto cu SEPPA, pa wak kico lo bay bira e solucionnan pa
e asunto di dump.

Mirando cu tin un comision trahando awor aki, e comision a bin caminda cu miniser de
Meza a bisa cu e ta desactiva dump den un termino di algun siman, pero no tabata tin
nada riba papel ainda, pasobra nan ta bezig ta studiando esey. Esey a trece hopi
confusion, pasobra hasta ta worde menciona y hendenan cu ta concurente di Serlimar,