Page 70 - MIN ECEM_Neat

Sindicato SEPPA mustrando cu ta bay mira
opcionnan con pa atende cu e asunto di
dump

- Advertisement -

ORANJESTAD(AAN): E trahado tin e protocol, segun Edmundo Marlin di SEPPA.
Gobierno tin cu haya e chens pa bay traha y por medio di e comision cu el a instala, e
comision tin cu bay sinta cu gerencia di Serlimar y e representantenan di e Sindicato,
pa mira e opcionnan, con pa atende cu e asunto di dump.Cu tin un problema na dump,
tur ta reconoce esey. Loke ta pasa cu na momento cu ta bay bisa cu ta desactiva dump,
ta cera dump den algun tempo. Ningun hende no a mira pa e planesnan cu ta cera
dump, ta crea un conflicto. Esaki den e sentido cu e trahadonan ta cuestiona kico ta
bay pasa.Banda di esey ta bay tende diferente storia, done deal, ken ta bay bira doño
di dje, etc. Cierto momento no mester e polemica eynan pasobra e doño di curpa
mester splica e trahado, cu ta na tal sistema e lo haci’e. Awor aki a splica e
trahadornan, cu Serlimar, den cua situacion cu bin, lo bay atende cu tur dos dump.
Esun cu nan ta bay sanea y esun cu nan lo bay bin cun’e den e opcionnan. E ta bay
keda bao di Serlimar. E no ta bay ningun caminda.Trabao garantisa:E trahadonan nan
trabao ta garantisa. Pero e problema ta sinta e dump. Ken ta bay maneha e dump. E
indicacion tabata mustra na diferente cos. E no tabata mustra manera cu no ta
Serlimar. Awe e minister a bisa cu Serlimar ta esun cu ta bay atende cu dump. Den e
momento cu nan tin cu bay sanea dump, e momento cu nan ta bay over na habri e otro
luga caminda cu nan ta bay atende cu sushi, por medio di burners of incinerators.