Page 26 - ATA

Grado di ocupacion na 2010 tabata di 74.1% y na 2014 esaki a subi te na 79.3% cu ta un aumento di 7%.
ADR, prijs averahe di camber a bay di 181.85 Dollar na 2010 te na 233.85 Dollar na 2014, es decir, un
aumento di 28%.
E total di turistanan crucero, a pesar cu 2013 tabata e peak, si compara 2010 cu 2014 por mira un
crecemento di 17.15% bayendo di 569,424 bishitante crucero na 2010 te na 667,095 bishitante curcero na
2014.
E tourism receipt, esta e placa cu turistanan ta laga atras den nos economia, a conoce un aumento di 27%
den e periodo di 2010 pa 2014 pasando di 2,232,900 te na 2,249,600.
E resultadonan neto di ATA, cual a wordo logra despues di 4 aña como entidad Sui Generis ta di 10.6
miyon Florin, esaki ta bin despues di paga tur debe y aculuma un fondo di emergencia di 18.7 miyon
Florin. Aki mester bisa cu e fondo aki a wordo logra den un periodo di 4 aña, es decir, un aña menos cu
loke ley a bisa.
E inversion den mercadeo a conoce un crecemento di 49% bayendo for di 36.1 miyon Florin na 2010 te
na 54.016 miyon Florin na 2014.
Minister Otmar Oduber a duna un pabien hopi grandi na henter e team di ATA pa e tremendo
resultadonan aki.

http://www.24ora.com/politica-mainmenu-18/94608-minister-oduber-di-2010-pa-2014-a-mira-un-
crecemento-sumamente-impresionante-pa-loke-ta-nos-turismo
http://masnoticia.com/aruba-tourism-authority-a-entrega-rapport-anual-2014/