Page 21 - ATA

Minister Otmar Oduber a ricibi rapport anual di ATA pa di 4
aña consecutivo

Tuesday, 28 April 2015 21:08
Comparti

Diamars mainta Minister Otmar Oduber tabata presente na oficina di ATA pa asina ricibi for di man di
su CEO, Ronella Tjin Asjoe-Croes y tambe Presidente di Hunta di Supervision Jossy Lacle e rapport
anual di ATA.
Minister Oduber a indica cu esaki ta e di cuater aña cu e rapport aki ta wordo entrega na su persona. E
rapport anual, manera ley ta prescribi, a wordo entrega na Hunta di Supervision prome cu 1 di april
conforme ley. Hunta di Supervision a aproba e rapport y awor ATA a pase door na Minister kende lo
evalua esaki, duna comentario y mande pa Parlamento unda e lo keda 10 di a di trabou.
Minister Otmar Oduber a ricibi e rapport cu un satisfaccion hopi grandi mirando e proceso cu a
encamina cu ATA SG desde 4 aña pasa y awe por mira e resultadonan di e trabou duro di un gran team.
Por mira un organizacion hopi transparente den tur sentido cu ta cumpliendo pa di cuatro aña
consecutivo cu e entrega di e rapport anual na tempo y cu a wordo audita manera ley ta prescribi,
Minister Oduber a indica. El a agrega cu ta un milestone hopi importante, no solamente pa forma parti di
un organizacion profesional cu tin e reputacion cu Oficina di Turismo tin, pero tambe pa e logronan
obteni den un periodo asina cortico unda cu a logra resultadonan sumamente impresionante den nos
sector di turismo.
Minister di Turismo a indica tambe cu mester analiza for di unda ta bin pa por determina kico ta e futuro
y den e caso aki e maneho pa loke ta nos turismo. E tarea cu a tuma lugar den ATA hunto cu e partnernan
local y internacional pa conversa y conhuntamente yega na metanan ta trece e resultadonan sumamente
positivo, unda cu por ehempel e zomer aki lo conta cu riba 120 mil stul adicional. Esaki ta un muestra cu
ti un confianza hopi grandi den e mercado, pasobra si no no lo a aumenta e cantidad di stulnan pa Aruba
siendo cu maneho di hopi aerolinea ta pa corta y para ‘long haul’ (vuelonan largo).
Tambe Minister Oduber a bisa cu a sali for di un departamento cu tabatin un cantidad di empleadonan
publico, algun di nan awor cu ATA SG a mira e baby crece y core hopi rapido cu e profesionalismo cu
tabata busca dentro di e instituto aki. Banda di esaki e aporte di Gobierno na ATA te cu 2010 cu no tabata
un roomtax di casi 22 miyon Florin no tey mas y e placa aki por wordo redirigi pa otro prioridadnan y
awor hasta ta ricibi fondonan for di ATA.
Danki na e cambionan realiza y e exito di ATA SG como instituto autonomo por realiza cambionan
manera ta pasa di un instituto encarga unicamente cu mercadeo, pa uno cu ta encarga cu maneho y
mercadeo. A base di e cambio aki a tuma e decision cu lo pone cierto parti di e fondonan di net results pa
atende cu e parti di maneho di e destinacion y producto. Pa haci esaki posibel a realiza un amienda na e
presupuesto di ATA aproximadamente 2 siman pasa, poniendo 5 miyon Florin adicional riba e post di
maneho di producto.
E cambio aki ta importante mirando e direccion cu ta bayendo pa loke ta nos turismo, unda cu ta
enfocando mas riba e turista afluente cu entradanan di 100 mil pa 150 mil Dollar y mas. Di e forma aki
logrando un producto di calidad halto cu ta pone nos isla riba e nivel competitivo di e categoria ey.
Finalizando, Minister Otmar Oduber a gradici cada un di e personanan cu ta forma parti di e team di
ATA y tambe na e Hunta di Supervision sumamente activo cu ta wordo conforma tambe pa partnernan
den e industria. “Awe nos por ta orguyoso di tin un organizacion hopi profesional, un organizacion cu ta