Page 5 - Djabierne 20 yuli 2018.pdf
P. 5
Djabièrnè 20 Yüli 2018 5
Den kurá di
warda di polis
Hòmber a
bai hòrta
den outo di
un agente
polisial
WILLEMSTAD.- Pa straño
ku por parse, pero e ta un
realidat. Outoridatnan
a detené un hòmber na
momentu ku e tabata hòrta
den kurá di warda di polis
den vehíkulo di un agente.
Djárason alrededor di dies
pa dies di anochi polisnan
di warda di Otrabanda a
detené e hòmber sospechoso
G.C.M., 27 aña di edat,
nasé na Kòrsou den kurá
di e warda. Un ratu promé
polisnan lo mester a tende
alarma di outo di un kolega.
Despues a tuma nota
ku tabatin un hòmber
sospechoso den e outo
di e kolega hòrtando su
pertenensianan.
Mesora a detené e
hòmber sospechoso aki.
A presentá e sospechoso
dilanti di un Fiskal
Ouksiliar ku a ordená su
enkarselamentu pendiente
di mas investigashon.
